UJehova ufuna imindeni ithabe. (IR 127:3-5; Mtj 9:9; 11:9) Nanyana kunjalo, singalahlekelwa lithabo ngebanga lamatshwenyeko wephasi nangemitjhapho eyenziwa malunga womndeni. Khuyini engenziwa lilunga ngalinye lomndeni bona uthabe?

Indoda ihlonipha umkayo. (1Pt 3:7) Ithabela ukuba naye. Ayilindeli okungaphezu kwamandlakhe begodu iyamthokoza ngalokho ayenzela khona nalokho akwenzela umndeni. (Kol 3:15) Iyatjengisa ukuthi iyamthanda begodu iyambuka.—IzA 31:28, 31.

Umfazi ufuna iindlela angasekela ngazo indodakhe. (IzA 31:12) Uyazithoba kiyo begodu ubambisana nayo. (Kol 3:18) Uyikhulumisa kuhle begodu akakhulumi kumbi ngayo.—IzA 31:26.

Ababelethi bazipha isikhathi sokuba nabantwana babo. (Dut 6:6, 7) Batjela abantwana babo ukuthi bayabathanda. (Mat 3:17) Babanikela isiyalo ngethando nangokuhlakanipha.—Efe 6:4.

Abentwana bahlonipha ababelethi babo begodu bayabalalela. (IzA 23:22) Batjela ababelethi babo ukuthi bacabangani nokuthi bazizwa njani. Bayasamukela isiyalo begodu babahloniphe.—IzA 19:20.

BUKELA IVIDIYO ETHI, HLAKULELA ITHABO EMNDENINAKHO, BESE UPHENDULA UMBUZO OLANDELAKO:

Khuyini ngamunye ayenzileko bona kube nethabo emndenini?