Imigomo yokulotjha uJehova ihlanganisa nanyana yini esisebenza budisi bona siyifikelele ukwenzela bona sisebenzele uJehova khudlwana begodu simthabise. Isisiza bona sithuthuke eqinisweni begodu akukho ukuzidela okudlula lokhu. (1Tm 4:15) Kubayini kufuze sihlolisise imigomwethu qobe? Ngombana izinto ziyatjhuguluka. Kungenzeka ubujamo abusavumi namkha sengiwufikelele umgomo loyo, sekufuze ngizibekele omunye.

Isikhathi esihle sokuhlolisisa izinto esizimisele ukuzenzela uZimu, kungaphambi kokuthoma komnyaka omutjha wekonzo. Kubayini ningakhulumi ngalokhu ekulotjheni kwenu komndeni nitjho izinto umuntu ngamunye azimisele ukuzenza nalezo enizimisele ukuzenza njengomndeni?

Ngiziphi izinto ozimisele ukuzenza kilezi ezilandelako begodu ngimaphi amagadango ozimisele ukuwathatha bona ukghone ukuzenza?