Ababelethi abasaba uZimu balulukela ukubona abantwababo baba ziinceku zakaJehova ezithembekileko. Ababelethi bangabasiza ngokuthi badzimelelise iimfundiso zeBhayibheli eenhliziyweni zabo basesebancani. (Dut 6:7; IzA 22:6) Kghani lokhu kutlhoga ukuzidela? Iye. Ukwenza njalo kuletha imiphumela ethabisako.—3Jw 4. Ababelethi bangafunda okunengi kuJosefa noMariya. “Bebajayele ukuya eJerusalema emnyanyeni wePhasika,” ngitjho nanyana lokho bekutlhoga umzamo nemali. (Luk 2:41) Ebekuqakatheke khulu emndeninabo kuhlala baseduze noJehova. Ngokufanako ababelethi namhlanjesi banganqophisa abantwababo endleleni efaneleko ngokusebenzisa woke amathuba bona babafundise ngelizwi nangesibonelo.—IR 127:3-5.

BUKELA IVIDIYO ETHI, BAWASEBENZISA WOKE AMATHUBA AVELAKO, BESE UPHENDULA IMIBUZO NASI:

• UJon noSharon Schiller baragela njani phambili babeka umBuso kaZimu qangi nabakhulisa abantwana?

• Kubayini ababelethi kufuze bafundise, banqophise begodu bayale abantwababo ngokweminyakabo?

• Ababelethi bangabasiza njani abantwana babo ukuthi bajamele ukukholwa kwabo nabaqalene neenlingo?

• Ngimaphi amathulusi owasebenzisileko avela ehlanganweni kaJehova bona usize abantwabakho babe bangani bakaJehova?