UJesu wasibekela isibonelo ekufuze sisilandele, khulukhulu nasiqalene neentjhijilo. (1Pt 2:21-23) Nanyana bebamthuka akhange azibuyiselele, ngitjho nalokha ahlunguphazwa. (Mar 15:29-32) Khuyini eyamsiza bona akghodlhelele? Bekazimisele ukwenza intando kaJehova. (Jwa 6:38) Wakghodlhelela “ngebanga lethabo ebelibekwe phambi kwakhe.”—Heb 12:2.

Kufuze senzeni lokha nasiphathwa kumbi ngebanga lokukholwa kwethu? AmaKrestu wamambala ‘awabuyiseli okumbi ngokumbi.’ (Rom 12:14, 17) Nange sikghodlhelelela ukuhlunguphazwa njengoKrestu sizokuthaba ngombana uZimu uzosamukela.—Mat 5:10-12; 1Pt 4:12-14.

BUKELA IVIDIYO ETHI, IBIZO LAKAJEHOVA LIQAKATHEKE KWAMAMBALA, BESE UPHENDULA IMIBUZO ELANDELAKO:

• UDade Pötzinger * wasisebenzisa njani isikhathi sakhe ngokuhlakanipha nakabotjhiweko?

• Ngiziphi iintjhijilo ezakghodlhelelwa ngumFowethu noDade Pötzinger lokha nabasemakampeni wokuhlunguphazwa?

• Khuyini eyabasiza ukuthi bakghodlhelele?