IsiKhumbuzo sisivulela ithuba lokucabangisisa ngezinto esizokubusiswa ngazo ngomuso ezilethwa sihlengo. Njengokuvuswa kwabafileko. UJehova bekangakahlosi bona abantu bafe. Ngikho nje ukufelwa mumuntu esimthandako kuyinto ebuhlungu khulu esiqalana nayo. (1Ko 15:26) UJesu wezwa ubuhlungu nakabona abafundi bakhe balilela ukufa kwakaLazaru. (Jwa 11:33-35) Njengombana uJesu afuze uYise patsi, singaqiniseka bona noJehova uzwa ubuhlungu nakasibona sililela abantu esibathandako. (Jwa 14:7) UJehova ululukela isikhathi azokuvusa ngaso iinceku zakhe kwabafileko, nathi kufuze sikululukele.—Job 14:14, 15.

Njengombana uJehova anguZimu ohlelekileko, kuyatjho ukuthi nokuvuswa kwabafileko kuzokuhleleka. (1Ko 14:33, 40) Esikhundleni semingcwabo, kuzokuba nesikhathi lapho abantu bazokuhlangana khona bamukele abavusiweko. Uyazindla na ngokuvuswa kwabafileko, khulukhulu ngeenkhathi ezibuhlungu? (2Ko 4:17, 18) Uyamthokoza na uJehova ngokusipha isihlengo nokwambula emTlolweni ukuthi abafileko bazokuvuswa?—Kol 3:15.

• Ngibaphi abangani namkha iinhlobo zakho olulukela ukuzibona godu?

• Ngibaphi abantu abaseBhayibhelini ongathanda ukubabona begodu ucoce nabo?