OKWENZA KUQAKATHEKE: Ukulungiselela, kwenza abafundi beBhayibheli bazwisise bebakhumbule lokho esibafundisa khona. Nabazwisisako bazokukghona ukukhumbula bese bathuthuka msinya. Ngitjho nanyana bangabhajadiswa, kusazokufuze balungiselele imihlangano nokutjhumayela khona ‘bazokuhlala balindile.’ (Mat 25:13) Nabangajayela, babe nomukghwa omuhle wokufunda bazokusizeka khulu epilwenabo yoke. Zisuka kufuze sibasize bajayele ukulungiselela isifundo seBhayibheli.

INDLELA ESINGAKWENZA NGAYO:

• Mbekele isibonelo esihle. (Rom 2:21) Lungiselela isifundo ngasinye ucabanga ngomfundi. (km 11/15 3) Akayibone incwadakho ethalelweko

• Mkhuthaze bona alungiselele. Nakavumako ukufunda, mtjele ukuthi isifundo siyalungiselelwa, uhlathulule nokuthi kusiza ngani. Mtjele neendlela angazisebenzisa bona azibekele isikhathi sokulungiselela. Abanye abafundisi banikela abafundi babo iincwadi zabo ezithalelweko ukuze basize umfundi abone ukuthi kusiza ngani lokho. Mthokoze nakalungiseleleko

• Mtjengise indlela yokulungiselela. Mvanje, abanye abafundisi bathatha soke isikhathi sesifundo bafundisa abafundi indlela yokulungiselela isifundo