OKWENZA KUQAKATHEKE: Incwadi yoku-1 kwebeKorinte ngenye yeencwadi ezili-14 ezatlolwa mpostoli uPowula bona akhuthaze amaKrestu akholwa nawo. Incwadi inikela umtloli ithuba lokukhetha amagamakhe kuhle, begodu umuntu oyifumeneko angayifunda iinkhathi ezinengi. Iincwadi zisinikela ithuba elihle lokutjhumayeza abangani, abantu esibajayeleko neenhlobo. Begodu zilisizo khulu ekutjhumayezeni labo esingakghoni ukukhuluma nabo. Ngokwesibonelo, omunye uyakuthabela ukufunda kodwana kubudisi ukumthola ekhaya. Abanye esiminethu kubudisi ukuba fumana ngombana bahlala emakhiweni egadiweko, abanye bahlala eendaweni okungasibulula ukufikelela kizo. Ngiziphi ezinye izinto okufuze sizikhumbule nasitlolela abantu esingabaziko?

INDLELA ESINGAKWENZA NGAYO:

• Khuluma ngendlela ebewungakhuluma ngayo nawungambona umuntu loyo. Ekuthomeni kwencwadi zazise bona ungubani utjho nokuthi kubayini utlola. Mbuze umbuzo angacabanga ngawo, bese umlayela kuzinzolwazi lethu. Mtjele ngeemFundo ezifumaneka ku-Online Bible Study, umhlathululele ngehlelo lesifundo seBhayibheli, namkha udzubhule iinhloko ezifumaneka eencwadini zethu. Ngaphakathi kwencwadi oyitlolileko ungafaka ikarada le-jw.org, isimemo, nofana iphetjhana

• Yiba mfitjhani. Phetha incwadakho ngaphambi kobana oyifundako adinwe.—Qala incwadi esibonelo

• Nawuqeda ukuyitlola, ifunde begodu uqale imitjhapho. Qiniseka bona yihle, iyafundeka, inobungani begodu iyakha. Namathisela isitembu