OKWENZA KUQAKATHEKE: Abantu abanengi abaphopheleko abatjhaphuluki ukukhuluma nabantu abangabaziko. Yeke, kutlhogeka senze umzamo bona sibatjhumayeze. UJehova uyabathanda abantu abaziimphofu. (Le 19:14) Nathi, singatjengisa ukuthi siyabathanda ngokubafundisa ngoJehova.

INDLELA ESINGAKWENZA NGAYO:

• ‘Funa’ abantu abaphopheleko. (Mat 10:11) Kghani kunomuntu omaziko onelunga lomndeni eliphopheleko? Kghani esimini okiyo kuneenkolo, iindawo ezitlhogomela abantu abaphopheleko namkha ezinye iindawo la bangathanda khona iincwadi ezenzelwe abantu abaphopheleko?

• Batjengise ukuthi uyabathanda. Nawutjengisa ukuthi uyabathanda bazokutjhaphuluka ukucoca nawe. Linga ukuthoma ikulumiswano ngezinto ezenzekako endaweni yangekhenu.

• Basize bafunde NgoZimu. Bona usize abantu abaziimphofu nofana abangaboni kuhle, ihlangano ibenzele iincwadi ezifumaneka ngemihlobo ehlukahlukeneko. Ungambuza ukuthi angathanda ukufunda ngamuphi umhlobo wencwadi. Umbonisi wesimu uzokuqinisekisa ukuthi umfowethu osebenza ngeencwadi uzalisa isibawo somhlobo wencwadi efunwa mumuntu ophopheleko.