Lokha iinlingo nazithatha isikhathi zingasidanisa. UDavida bekazi ukuthi isilingo ebekaqalene naso malungana neKosi uSawula sizokuphelelwa sikhathi begodu uJehova bekazomenza ikosi, njengombana athembisa. (1Sa 16:13) Ukukholwa kwakaDavida kwamsiza ukuthi akghodlhelele begodu alinde uJehova.

Nasiqalene nesilingo, singasebenzisa ukuhlakanipha, ilwazi namkha ikghono lokucabanga ukuthi sitjhugulule ubujamo. (1Sa 21:12-14; IzA 1:4) Nanyana kunjalo, eminye imiraro izokuragela phambili ngitjho nanyana sesenze koke ukuthi sisebenzise iinkambisolawulo zeBhayibheli. Ebujamweni obunjalo, kufuze sikghodlhelele silinde uJehova. Ingasikade uzokuqeda boke ubuhlungu esibuzwako begodu “uzokusula zoke iinyembezi” emehlwenethu. (sAm 21:4) Nanyana uJehova angaphelisa isilingo namkha siphele ngamanye amabanga, nakhu esiqiniseka ngakho: Zoke iinlingo ziphelelwa sikhathi. Lokhu kungasiduduza.

WBUKELA IVIDIYO ETHI,ABANTU ABABUMBENEKO EPHASINI ELIHLUKENEKO BESE UPHENDULA IMIBUZO ELANDELAKO:

• Ngiziphi iintjhijilo amanye amaKrestu wesewula ye-United States aqalana nazo?

• Bakutjengisa njani ukukghodlhelela nethando?

• Khuyini abayenzako ukuthi baragele phambili badzimelele ezintweni “eziqakatheke khulu”?—Flp 1:10