Umngani uhlathululwa ngokuthi “ngiloyo otjhidelene naye begodu omthanda khulu.” Ngokwesibonelo, uJonathani noDavida bathoma ukuba nobungani obuqinileko ngemva kokuthi uDavida abulale uGoliyadi. (1Sa 18:1) Bobabili bebanobuntu obubenza bafune ukuba bangani. Yeke, ubungani obuqinileko busekelwe ekwazini omunye umuntu kuhle. Ukwazana kuthatha isikhathi nomzamo. Nanyana kunjalo, kulula khulu ukwenza abangani kezokuthintana. Ku-inthanethi abantu abanengi bakghona ukuhlela kuhle lokho abazokutjho nokulawula indlela abantu ababaqala ngayo, kulula ukuthi bazifihle ukuthi kuhlekuhle babobani. Cabangisisa ngaphambi kokuthi wamukele umuntu ukuthi abe mnganakho ku-inthanethi. Yeke, ungasabi ukusala isimemo somuntu ongamaziko ofuna ukuba mnganakho ngebanga lokusaba ukumzwisa ubuhlungu. Ngebanga lobungozi obungaba khona, abanye bakhethe ukungazisebenzisi zethungelelwano. Nangabe ukhetha ukuzisebenzisa zethungelelwano khuyini okufuze uyicabangele?

BUKELA IVIDIYO ETHI,SEBENZISA ZOKUTHINTANA NGENDLELA EFANELEKO BESE UPHENDULA IMIBUZO ELANDELAKO:

• Khuyini okufuze ucabange ngakho ngaphambi kokuthi ufake iinthombe namkha utjho okuthileko ku-inthanethi?

• Kubayini kufuze ubakhethe kuhle abangani bakho ku-inthanethi?

• Kubayini kufuze ulinganisele esikhathini osisebenzisa kezokuthintana?—Efe 5:15, 16