UDavida wahlula uGoliyadi ngombana bekathembele kuJehova. (1Sa 17:45) UJehova ufuna ukutjengisa abantu bakhe ukuthi unamandla wokubavikela. (2Kr 16:9) Singathembela njani endleleni uJehova asisiza ngayo kunokuzithemba thina? Nazi iindlela ezintathu esingenza ngazo:

• Thandaza qobe. Ungathandazeli ukulitjalelwa kwaphela lokha nawenze umtjhapho kodwana thandazela namandla wokuqalana neenlingo. (Mat 6:12, 13) Ungathandazeli ukuthi uJehova abusise iinqunto osele uzenzile kodwana thandazela nokobana akunikele ukuhlakanipha ngesinqophiso sakhe ngaphambi kokwenza isiqunto esithileko.—Jak 1:5.

• Yiba nehlelo lokufunda iBhayibheli. Funda iBhayibheli qobe langa. (IR 1:2) Cabangisisa ngeembonelo eziseBhayibhelini usebenzise lokho okufunda kilo. (Jak 1:23-25) Lungiselela kuhle nawuyokutjhumayela, ungazithembi khulu. Zuza ngokungeziweko emihlanganweni yebandla ngokulungiselela kusesenesikhathi

• Bambisana nehlangano kaJehova. Zazi iinqophiso ezikhitjhwa yihlangano begodu uzisebenzise ngokurhabako ekuphileni kwakho. (Num 9:17) Lalela abadala nabakhipha iseluleko neenqophiso.—Heb 13:17

BUKELA IVIDIYO ETHI,ASINABANGA LOKUSABA UKUHLUNGUPHAZWA BESE UPHENDULA IMIBUZO ELANDELAKO:

• Ngikuphi ukusaba abafowethu nabodadwethu abaqalana nakho?

• Khuyini eyabasiza ukuthi baqalane nokusabokho?