Babantu abacwengekileko kwaphela abangaba netjhebiswano elihle noJehova. (1Pt 1:14-16) Ngokuhlula imikghwa emimbi, umuntu ofunda naye angathabela ukuphila komndeni okuthabisako, ipilo emnandi nokusebenzisa kuhle imali.

Mhlathululele kuhle iinkambisolawulo zakaJehova zokuziphatha, namabangazo nokuthi kubayini kuzuzisa ukuzilandela. Bona umuntu akghone ukulisa into embi esele kusikhathi eside ayenza, kuzokutlhogeka ukuthi atjhugulule indlela acabanga ngayo. (Efe 4:22-24) UJehova angasiza umuntu ofunda naye bona alise ukwenza izinto ezimbi. (Flp 4:13) Fundisa umuntu ofunda naye iBhayibheli bona abawe isizo kuJehova ngomthandazo ngaphambi kobana abe nesifiso sokwenza okuthileko okungakalungi. Basize babone namkha babalekele ubujamo obungenza kube budisi ukwenza izinto ezilungileko. Bakhuthaze bona benze izinto ezizobazuzisa kunokuthi benze izinto ezingakalungi. Uzokuthaba nawubona abantu obafundelako benza amatjhuguluko ngokusizwa nguJehova.

BUKELA IVIDIYO ETHI, SIZA ABANTU OFUNDA NABO IBHAYIBHELI BALISE UKWENZA IZINTO EZINGAKALUNGI, BESE UPHENDULA IMIBUZO ELANDELAKO:

• Abadala noNitha bamtjengise njani uThandi bona bayamthemba?

• Khuyini okhunye uNitha akwenzileko ukusiza uThandi?

• UThandi ulibawe njani isizo kuJehova?