Iinhlekelele zemvelo sezithoma ukwanda amalanga la. Nakwenzeka ihlekelele, imizamo yokusiza kufuze ihleleke begodu inqotjhiswe kuhle. Ngebangelo, isiHlopha EsiBusako sihlele bona kube nomNyango oSizako nakuvele ihlekelele egatjeni ngalinye.

Abafowethu abasemnyangweni lo nabezwa ngehlekelele, msinyana bathintana nabadala bendaweni leyo ukufumana ukuthi ngiliphi isizo abarhuweleli abazolitlhoga. Nangabe umonakalo mkhulu khulu kangangokuthi abarhuweleli abakghoni ukuzilungisela wona, igatja lizokwabela abafowethu abanelemuko bona badose phambili emsebenzini wokuhlangula. Abafowethwaba bangabawa iinsebenzi ezizokusiza, iminikelo yezinto ezithileko namkha bangathenga izinto ezitlhogekako bazinikele abantu bendaweni leyo.

Kunemiphumela emihle eminengi yokwenza izinto ngendlela le. Kuvimbela bona kungabuyelelwa umsebenzi munye, kuhlangahlangane, kumoroswe imali nezinto okuyinto engenzeka lokha abafowethu nabazibambela bona ngokwabo.

Abafowethu ababekwe ligatja bazokuqala bona kutlhogeka imali neensebenzi ezingangani emsebenzini wokuhlangula. Bangabuye bakhulume neenkhulu zendawo, ezingasisiza siwenze msinya umsebenzi wokuhlangula lo. Nje-ke siyanibawa bona ningathomi nibuthelele iimali, nithumele izinto zokuhlangula namkha niye endaweni evelelwe yihlekelele ngaphandle kokuthi utjelwe bona wenze njalo.

Nanyana kunjalo, nakuvele ihlekelele siyafuna ukusiza. (Heb 13:16) Siyabathanda abafowethu! Singenzani? Okuqakatheke khulu, singathandazela abaqalene nehlekelele nalabo ababasizako. Singanikela nangemali emsebenzini wephasi loke. Ngaphasi kokunqotjhiswa siHlopha esiBusako, ama-ofisi wegatja asebujamweni obuhle bokubona ukuthi iminikelo le ingasetjenziselwa kuphi. Nasifuna ukuba nengcenye emsebenzini lo, singenza lokho ngokuzalisa iforomo elithi, Local Design/Construction Volunteer Application (DC-50).

BUKELA IVIDIYO ETHI, IBANGAMATLHUWO YEENKHUKHULA EBRAZIL, BESE UPHENDULA UMBUZO OLANDELAKO:

Yini oyithandako ngomsebenzi wokuhlangula owenziwe boFakazi bakaJehova ngemva kweenkhukhula eBrazil ngo-2020?