Ithando liyi-glue ehlanganisa umndeni bona ubumbane. Ngaphandle kwethando kuzokuba budisi bona umndeni ubumbane begodu usebenzisane. Amadoda, abafazi, nababelethi bangalitjengisa njani ithando emndenini?

Indoda ethanda umkayo izokucabangela iintlhogo zakhe, imibonwakhe namazizwakhe. (Efe 5:28, 29) Izokutlhogomela umndenayo ngezinto ozitlhogako beyiwusize utjhidelane noJehova begodu izokuqinisekisa bona ukuLotjha koMndeni kuhlala kukhona. (1Tm 5:8) Umfazi othanda indodakhe uzoyithobela begodu “ayihloniphe khulu.” (Efe 5:22, 33; 1Pt 3:1-6) Bobabili kufuze bazimisele ukulibalelana ngokutjhaphulukileko. (Efe 4:32) Ababelethi abanethando batjengisa bona bayabathanda abantwababo begodu babafundisa ukuthanda uJehova. (Dut 6:6, 7; Efe 6:4) Ngiziphi iintjhijilo abantwababo abaqalana nazo esikolweni? Baqalana njani nokugandelelwa bangani babo? Nakunethando emndenini woke umuntu uzozizwa avikelekile begodu aphephile.

BUKELA IVIDIYO ETHI, RAGELANI PHAMBILI NITJENGISA ITHANDO EMNDENINI BESE UPHENDULA IMIBUZO ELANDELAKO:

• Indoda ethanda umkayo imondla njani begodu itjengisa njani ukuthi iyamazisa?

• Umfazi othanda indodakhe utjengisa njani ukuthi uyayihlonipha?

• Ababelethi abanethando babafundisa njani abantwababo ukuthanda iliZwi lakaZimu?