Ukukhalinywa kutjho ukunqotjhiswa nokufundiswa, kodwana kubuye kuhlanganise ukulungiswa nokujeziswa. UJehova uyasikhalima bona sikwazi ukumlotjha ngendlela eyamukelekako. (Rom 12:1; Heb 12:10, 11) Ngezinye iinkhathi ukukhalinywa kubuhlungu kodwana kusenza sibe babantu abalungileko begodu sifumane iimbusiso. (IzA 10:7) Khuyini ekufuze ikhunjulwe ngilabo abanikela isiyalo nalabo abakhalinywako?

Onikela isiyalo. Abadala bebandleni, ababelethi nabanye balinga ngamandla ukunikela isiyalo ngomusa nangethando njengoJehova. (Jor 46:28) Isijeziso sizokuya ngokuthi umuntu wenze umtjhapho ongangani nanyana singababuhlungu kufuze sinikelwe ngethando.—Tit 1:13

Ofumana isiyalo. Kungakhathaliseki bona isiyalo siza ngayiphi indlela kufuze singasilingeki kodwana silinge ukusisebenzisa msinyana. (IzA 3:11, 12) Njengombana sibabantu abenza imitjhapho, soke siyakutlhoga ukukhalinywa okuza ngeendlela ezihlukahlukeneko. Singafumana isiyalo ngalokho esikufunda eBhayibhelini nangalokho esikuzwa esifundweni. Nanyana ngezinye iinkhathi abanye batlhoga isiyalo esivela kubadala.Nawulalela isiyalo uzokufumana ukuphila.—IzA 10:17.

BUKELA IVIDIYO ETHI,  “UJEHOVA UYABAKHALIMA LABO ABATHANDAKO,” BESE UPHENDULA IMIBUZO ELANDELAKO:

• Bekunjani ukuphila kwakaCanon, begodu kwatjhuguluka njani?

• UJehova wamkhalimela njani ngendlela enethando?

• Ngiziphi iimfundo esizifumana endabenakhe?