Njengombana siphila ekupheleni ‘kwemihla yokuphela’ silindele bona imiraro ibe minengi. (2Tm 3:1) Nakufika iinhlekelele, abantu bakaJehova bafumana iinqophiso ezizokusindisa ukuphila kwabo ezifika ngesikhathi. Nangabe sifuna ukusinda kufuze silalele begodu sizilungiselele nje ngokulalela uZimu nangokulungiselela izinto esizozitlhoga nakufika ihlekelele.—Luk 16:10.

• Zilungiselele ngokutjhidela kuZimu: Zijayeze ukuhlela izinto zakho kuhle. Funda iindlela ezihlukahlukeneko zokutjhumayela. Nangabe awukghoni ukuhlangana nabanye ebandleni ungatshwenyeki khulu. (Isa 30:15) Awukahlukaniswa noJehova noJesu.—od-ZU 176 ¶15-17

• Lungiselela izinto ozozitlhoga nakufika ihlekelele: Esikhwameni sobujamo oburhabako, umndeni ngamunye kufuze ube nokudla okwaneleko okungaboli msinya, amanzi, amapilisi nezinye izinto ezizokutlhogeka nakungenzeka uye endaweni ethileko isikhatjhana.—IzA 22:3; g17-ZU.5 4, 6

BUKELA IVIDIYO ETHI, KGHANI UKULUNGISELELE UKUFIKA KWEHLEKELELE YEMVELO? BESE UPHENDULA IMIBUZO ELANDELAKO:

• Ukuthanda uJehova kungasisiza njani nakuvela iinhlekelele zemvelo?

• Kubayini kufuze . . . 

  • sihlale sikhulumisana nabadala?

  • sibeke isikhwama sobujamo oburhabako eduze?

  • sicoce ngemihlobo yeenhlekelele zemvelo ezingenzeka endaweni esihlala kiyo nokuthi sizokwenzani nazifikako?

• Ngiziphi iindlela ezintathu esingasiza ngazo abanye nabavelelwe yihlekelele?

ZIBUZE, ‘I-COVID-19 ingifundise ziphi iimfundo ngokuqakatheka kokuhlala ngizilungiselele?’