Lokha nakatjhumayelako, uJesu bekasebenzisa izenzakalo zangesikhatheso bona afundise abantu. (Luk 13:1-5) Nawe ungasebenzisa izenzakalo zanje ukudosela abantu eendabeni ezimnandi zomBuso. Ngemva kokukhuluma ngendlela ubujamo bezomnotho obenza kube budisi ngayo ukuphila, iinhlekelele zemvelo, imiguruguru, ukusetjenziswa kumbi kweendakamizwa namkha okhunye, buza umbuzo ozokwenza okhuluma naye acabange. Ungabuza, uthi: “Kghani ucabanga ukuthi sizakhe sisibone isiphelo . . . ?” namkha ungathi, “Ucabanga bona iyini ipengu . . . ?” Mtjengise ivesi leBhayibheli elihlobene nendaba enicoca ngayo. Nangabe utjengisa ikareko, mdlalele ividiyo namkha umnikele okuthileko okusebhoksini lamaThulusethu wokuFundisa. Njengombana silwela ukuthinta iinhliziyo zabantu esibatjhumayezako, kwanga ‘singenza zoke izinto ngebanga leendaba ezimnandi.’—1Ko 9:22, 23.

Ngiziphi iinhloko ezingathinta abantu esimini okiyo?