OKWENZA KUQAKATHEKE: Ukutjhumayela ngefowuni ngenye yeendlela eziqakathekileko ‘zokunikela ubufakazi obupheleleko ngeendaba ezimnandi.’ (IzE 20:24) * Kusinikela ithuba lokuthi sitjhumayeze abantu nakunobujamo obusenza singakghoni ukuya kibo.

INDLELA ESINGAKWENZA NGAYO:

• Lungiselela. Khetha isihloko esizokuthandwa babantu abanengi. Ngemva kwalokho tlola ozokuthanda ukukutjho. Lungiselela umlayezo omfitjhani ohlathulula ukuthi kubayini ufowunile nakungenzeka ikuse kuvoicemail. Kuzokusiza ukuthi ube nezinto ozitlhogako hlanu kwakho, njenge-tablet bona ukghone ukuvula i-JW Library^® nofana i-jw.org^®

• Tjhaphuluka. Khuluma ngokwemvelo. Momotheka begodu ukhulume ngendlela ebewuzokukhuluma ngayo ukube uyambona umuntu loyo. Ungathuli ngokungatlhogekiko. Kuyasiza ukusebenza nabanye. Nangabe umninimuzi ubuza umbuzo, ubuyelele bona umuntu osebenza naye awuzwe begodu akusisize ufumane ipendulo

• Beka isisekelo sokwenza ibuyelo. Nangabe umuntu uyalalela, tjhiya umbuzo enizowuphendula nawumfonelako godu. Ungambuza ukuthi angathanda na bona umlethele incwadi namkha umthumelele ividiyo ethileko nge-email nofana incwadi. Ngesikhathi esifaneleko, mtjele ngezinto ezifumaneka kuzinzolwazilethu