Njengayo yoke imihlangano yebandla, imihlangano yokuya esimini, ililungiselelo elivela kuJehova lokusisiza sibone ukuthi singakhuthazana njani ethandweni nemisebenzini emihle. (Heb 10:24, 25) Kufuze ibe mizuzu emihlanu ukuya kwelikhomba ubude, okuhlanganisa ukwabiwa kwabarhuweleli, isimu ezokusetjenzwa nokuthandaza. (Nangabe kunomhlangano ozokulandela ngemva kwawo, kufuze ube mfitjhani khulu.) Umfowethu oragako kufuze alungiselele okuzokuzuzisa abazokuba khona emhlanganweni wesimu ngelangelo. Ngokwesibonelo, ngoMgqibelo lokha kunabanengi abagcine ukutjhumayela ngepelaveke edlulileko, kungazuzisa ukucabangela lokho ozokutjho. Ngiziphi ezinye iinhloko okungazuzisa ukucoca ngazo nabaninimuzi?

• Itjumayelo esibonelo evela encwajaneni ethi, Ipilo Nomsebenzi WobuKrestu—Ihlelo Lomhlangano Webandla

• Singazisebenzisa njani izenzakalo zamuva namkha imibiko yeendaba ukuthoma ikulumiswano?

• Singakuphendula njani ukuphikiswa okujayelekileko?

• Singamphendula njani umuntu ongakholelwako kuZimu, umuntu okholelwa ekuziphendukeleni kwemvelo, umuntu okhuluma elinye ilimi namkha umuntu osekolweni engakajayeleki endaweni esitjhumayela kiyo?

• Singalisebenzisa njani izinzolwazi lethu i-jw.org, i-JW Library^® app namkha iBhayibheli?

• Singalisebenzisa njani elinye lamathulusi elisemaThulusinethu wokuFundisa?

• Singatjhumayela njani ngezinye iindlela, njengokutjhumayela ngefowuni, ukutlola iincwadi, ukutjhumayela tjhatjhalazi, ukwenza amabuyelo namkha iimfundo zeBhayibheli?

• Iinkhumbuzo malungana nokuphepha, ukuzivumelanisa nobujamo, ukuziphatha kuhle, ukuhlala unombono omuhle namkha okhunye okufana nalokhu

• Isifundo namkha ividiyo esencwajaneni ethi, Zinikele Ekufundeni Nekufundiseni

• Ungamkhuthaza namkha umsize njani umuntu otjhumayela naye?

• Umtlolo okhambelana nomsebenzi wokutjhumayela namkha okuthileko okukhuthazako okwenzeke esimini