AboFakazi bakaJehova banelungelo elikhethekileko. Njengombana sizinikele besabhajadiswa, siragela phambili sihlakulela ubuhlobo bethu noMbusi wendawo yoke uJehova uZimu. Usidosele kuye asebenzisa indodanakhe. (Jwa 6:44) Uyayilalela imithandazwethu.—IR 34:15.

Singabuvikela njani ubuhlobo bethu obuligugu noZimu? Kufuze sibalekele ukwenza izinto ezimbi ebezenziwa ma-Israyeli. Msinyana ngemva kokuthi bangene esivumelwaneni noJehova, benza ikunzana yegolide begodu bathoma ukulotjha iinthombe. (Eks 32:7, 8; 1Ko 10:7, 11, 14) Singazibuza imibuzo le: ‘Kufuze ngenzeni nangiqalene nesilingo? Kghani izenzo zami ziyatjengisa ukuthi ngiyabuthanda ubuhlobo bami noJehova?’ Ukuthanda uBabethu wezulwini ngokusuka ehliziyweni kuzosisiza sibalekele ukwenza izinto azihloyako.—IR 97:10.

BUKELA IVIDIYO ETHI, VIKELA UBUHLOBO BAKHO NOJEHOVA (KOL 3:5) BESE UPHENDULA IMIBUZO ELANDELAKO:

• Kutjho ukuthini ukuba marhamaru?

• Kubayini kufuze sibalekele ukulotjha iinthombe nokuba marhamaru?

• Ubufebe buhlobene njani nokulotjha iinthombe?

• Kubayini labo abanemithwalo yokufundisa kufuze batlhogomele abalingani babo?