Inga-kghani uyawathabela amavidiyo nemibuzo eyenza umuntu aveze lokho akucabangako encwadini ethi, Thabela Ukuphila Ngokungapheliko? Ucabangani ngeengcenye ezithi “Abanye Abantu Bathi,” “Uzimisele Ukwenzani,” nethi “Hlola Okungenzasi”? Ngiziphi ezinye iingcenye ezingaba lisizo ongazisebenzisa njengombana wenza umsebenzi wokwenza abafundi?—Mat 28:19, 20.

Amavidiyo, Iincwadi Nokhunye: Nangabe uthanda ukusebenzisa incwadi egadangisiweko nawuraga isifundo seBhayibheli, ungakghona njani ukuwafumana woke amavidiyo nokhunye endaweni yinye? Encwadinakho esefowunini namkha kwesinye isisetjenziswa se-elekthroniki, khetha ingcenye yinye eemfundweni. Enzasi ekugcineni, gandelela la kuthi amavidiyo nokhunye. (Qala isithombe 1.)

Ukuhleleka kwencwadi ngasuthi igadangisiwe (“Printed edition” setting): Nangabe usebenzisa ifowuni ukufunda nomuntu namkha esinye isisetjenziswa se-elekthroniki ungakufumana kulisizo ukusebenzisa incwadi ehleleke ngasuthi igadangisiwe eenkhathini ezinengi nanifundako. Nanisesifundweni esithileko, gandelela amaqhatjhaza amathathu phezulu ngesidleni ugandelele esithi, “Printed Edition.” Lokhu kungakusiza ubone kuhle ukuthi lokhu enicoca ngakho kukhambelana njani nesihloko. Ukuthi ubuyele ehlelweni le-elekthroniki, gandelela godu amaqhatjhaza amathathu ukhethe esithi, “Digital Edition.”

“Inga-kghani ngikulungele?”: Amabhoksi la angasekugcineni kwencwadi atjengisa kuhle lokho okufuze ukwenze nawuzokufaneleka ukutjhumayela nebandla bewubhajadiswe. (Qala isithombe 2.)

Isithasiselo: Isithasiselo sinikeza ihlathululo engeziweko malungana nokuthileko okuqakathekileko okusencwadini. Incwadi esefowunini inelinki ezokubuyisela esifundweni ebenikiso. (Qala isithombe 2.)