Umtjhado wamaKrestu ophumelelako udumisa uJehova begodu uthabisa indoda nomfazi. (Mar 10:9) AmaKrestu nakazakukghodlhelela bekabe nomtjhado othabisako kufuze adzimelele eenkambiswenilawulo zeBhayibheli lokha nakakhetha umuntu azokutjhada naye.

Thandana nomuntu kwaphela nange sele udlule “iminyaka yobutjha,” okusikhathi lapho ikanuko yezomseme inamandla khona, engakwenza uthathe isiqunto esingakahlakaniphi. (1Ko 7:36) Sebenzisa kuhle isikhathi sakho ungakatjhadi, ukuqinisa ubuhlobo bakho noZimu nokusebenzela ukuba nobuntu obuhle bobuKrestu. Lokho kuzokubeka ebujamweni obuhle bokuba nomtjhado ophumelelako.

Ngaphambi kokuthi uvume ukutjhada nomuntu ziphe isikhathi sokwazi ‘umuntu osithekileko wehliziyo.’ (1Pt 3:4) Nangabe kukhona ongaqiniseki ngakho khulumisana nomuntu ofuna ukutjhada naye. Emtjhadweni kufuze udzimelele kilokho ongakwenzela umlinganakho, kunalokho angakwenzela khona. (Flp 2:3, 4) Nawusebenzisa iinkambisolawulo zeBhayibheli ngaphambi kokuthi utjhade, uzabe ubeka isisekelo esihle somtjhado othabisako.

BUKELA IVIDIYO ETHI, UKULUNGISELELA UMTJHADO—INGCENYE 3: “BALA IINDLEKO” BESE UPHENDULA IMIBUZO ELANDELAKO:

• Bebunjani ubuhlobo bakadade no-Shane?

• Khuyini udade ayitjhejako njengombana isikhathi sikhamba?

• Ababelethi bakhe bamsiza njani begodu ngisiphi isiqunto esihlakaniphileko asithathako?