Enye yeendlela eziphumelelako ababelethi abangazisebenzisa bona basize abantwababo bafumane ukuhlakanipha kwakaZimu, kubasiza bazuze emihlanganweni yobuKrestu. Lokho abantwana abakubonako, abakuzwako, nalokho abakutjho eempendulweni zabo esifundweni kungabasiza bafunde ngoJehova begodu babe bangani bakhe. (Dut 31:12, 13) Nangabe umbelethi, ungamsiza njani umntwanakho bona afunde okungeziweko esifundweni?

• Yenza koke okusemandlenakho bona uze esifundweni ube khona eWolweni lomBuso.—IR 22:22

• Qiniseka ukuthi uzibekela isikhathi sokukhuthazana nabafowethu nabodadwethu ngaphambi nangemva kwesifundo eWolweni lomBuso.—Heb 10:25

• Qiniseka ukuthi ngamunye emndenini uneencwadi ezifundwako esifundweni, kungaba ngezisefowunini namkha ezisephepheni

• Siza umntwanakho alungiselele ipendulo asebenzisa amezwakhe.—Mat 21:15, 16

• Khuluma kuhle ngesifundo nangeenqophiso esizifumana khona

• Siza abantwabakho bahlanganyele ekuhlwengiseni eWolweni lomBuso begodu bacoce nabantu abalupheleko bebandleni

Ukusiza abantwabakho bona batjhidele kuJehova kutlhoga ukuzimisela, ngezinye iinkhathi kuba budisi kodwana ungaqiniseka ukuthi uJehova uzokusiza.—Isa 40:29.

BUKELA IVIDIYO ETHI, BABELETHI THEMBELANI KUJEHOVA NEMANDLENAKHE, BESE UPHENDULA IMIBIZO ELANDELAKO:

• Ukudinwa kwaba namuphi umthelela ku-Zack no-Leah?

  Ipendulwakho

• Kubayini ababelethi kufuze babawe uJehova ukuthi abaphe amandla?

  Ipendulwakho

• U-Zack no-Leah bathembela njani kuJehova ukuthi abasize?

  Ipendulwakho