IPILO YAMAKRESTU
Abelusi Abenzela Abantu BakaJehova Okuhle
Abantu abanengi banombono omumbi ngabantu abaseenkhundleni eziphezulu. Ngubani ongabasola? Kusukela ekadeni abantu bazisebenzise kumbi iinkhundla bona bazizuzise bona. (Mik 7:3) Kusithabisa khulu ukwazi ukuthi abadala ebandleni babanduliwe bona basebenzise kuhle iinkhundla zabo begodu benzele abantu bakaJehova okuhle.—Est 10:3; Mat 20:25, 26.
Abadala abafani nabantu abaneenkhundla ephasineli, benza umsebenzabo ngebanga lokuthi bathanda uJehova nabantu bakhe. (Jwa 21:16; 1Pt 5:1-3) Ngesinqophiso sakaJesu, abelusaba basiza umrhuweleli ngamunye bona azizwe amukelekile emndenini kaJehova begodu ahlale atjhidelene noJehova. Bamsinyana ekukhuthazeni izimvu zakaJehova nekusizeni nakunobujamo oburhabako bezepilo namkha lokha nakuvela ihlekelele. Nawutlhoga isizo zizwe utjhaphulukile ukukhuluma nomdala webandleni lakho.—Jak 5:14.
BUKELA IVIDIYO ETHI, ABELUSI ABATLHOGOMELA UMHLAMBI, BESE UPHENDULA IMIBUZO ELANDELAKO:
-
Isizo labadala lamsiza njani u-Mariana?
-
Isizo labadala lamsiza njani u-Elias?
-
Ngemva kokubukela ividiyo le uzizwa njani ngomsebenzi owenziwa badala?
