Umukghwa ongamthabisiko uZimu, ukuskomora kwakha imicabango eyenza bona umuntu acabange ngokuzanelisa yena kwaphela begodu wonakalisa ingqondo. * Oskomorako angathoma nokuqala abanye njengezinto zobulili—iinsetjenziswa zokuzanelisa ngokomseme. Umseme akasawusaqali njengendlela yokutjengisa ithando kodwana njengesenzo esiletha ithabo lesikhatjhana begodu sitjhaphulule umuntu egandelelweni leemfiso zomseme. Kodwana itjhaphuluko leyo ngeyesikhatjhana kwaphela. Eqinisweni, esikhundleni sokubulala amalungu womzimba malungana ‘nobudzewuri [ubufebe], ukuhlobonga, ukusilaphala, nokukhanukela [komseme okungakalungi],’ oskomorako uyawavusa.—KwebeKholose 3:5.

Umpostoli uPowula watlola wathi: “Bazalwane, njengombana sesizamukele iinthembiswezi, asizihlanze kikho koke okusilapheleko umzimba nomoya, siphile ipilo ecwengileko ngokupheleleko sisesaba uZimu.” (2 KwebeKorinte 7:1) Nengabe kubudisi ngawe ukulalela amezwi la, ungaphelelwa lithemba. UJehova uhlala ‘akulungele ukulibalela’ nokukurhelebha. (AmaRhalani 86:5; Luka 11:9-13) Kwamambala, isazelo sakho esikulahlako nemizamwakho yokulisa umukghwa lo—ngitjho nofana ubhalelwa ngezinye iinkhathi—kutjengisa ukucabanga okuhle. Godu khumbula “bona uZimu mkhulu kunesazelo sethu nokobana wazi koke.” (1 KaJwanisi 3:20) UZimu akaboni isono sethu  kwaphela; ubona ubunjalo bomuntu. Ukwazi lokho kumenza akuzwe ngezwela ukubawa kwethu umusa wakhe okuvela ehliziyweni. Ngalokho, ungadinwa ukuya kuZimu ngomthandazo wokuthobeka novela ehliziyweni, njengomntwana omncani oya kuyise nekanomraro. UJehova uzokubusisa ngesazelo esihlwengileko. (AmaRhalani 51:1-12, 17; Isaya 1:18) Iye, kufuze uthathe amagadango afaneleko ngokuvumelana nemithandazo yakho. Isibonelo, uzokulwela ukubalekela zoke iinhlobo zeenthombe zobulili ezisilapheleko nabangani abangakalungi. *

Nengabe umrarwakho wokuskomora uragela phambili, khuluma nombelethi omKrestu nofana umngani ongokomoya ovuthiweko notjhejako ngendaba le. *—Izaga 1:8, 9; 1 KwebeTesalonika 5:14; KuTitosi 2:3-5.