ABALINDI Abalindi babelwe ukusiza wena. Sibawa ubambisane nabo ngokulandela ilayelo labo malungana nokuphaga iinkoloyi, ukulawula abantu abangenako nabaphumako, ukubekisa indawo yokuhlala, nokhunye.

UKUBHABHADISA Indawo yokuhlala yabazokubhajadiswa izokuba phambi kwesiteji ngaphandle kobana kube namatjhuguluko. Abazokubhajadiswa kufuze bahlale endaweni ababekelwe yona ngaphambi kobana kuthome ikulumo yokubhabhadisa ngoMgqibelo ekuseni. Omunye nomunye kufuze eze nethawula nezambatho ezifanelekako azokubhajadiswa ngazo.

IMINIKELO Kusetjenziswe imali engangemali kulungiselelwa indawo yokuhlala eyaneleko, iinkhulisa mezwi, imitjhini yokudlala amavidiyo nezinye izinto ezenza umhlangano lo ube mnandi bewusisize sitjhidelane noJehova. Iminikelwenu evela ehliziyweni iyasiza ekubhadeleni iindlekwezi nokusekela umsebenzi wephasi loke. Kubekwe amabhoksi womnikelo atlolwe ngokukhanyako kiyo yoke indawo yomhlangano, ukwenzela bona nikghone ukunikela bulula. Ninganikela nange-inthanethi ku-jw.org. Siyathokoza ngeminikelo eniyenzileko bekube nje. IsiHlopha esiBusako siyanithokoza ngokusekela kwenu umBuso kaZimu ngendlela le.

ISIZO ELIRHABAKO Sibawa nikhumbule bona umnyango lo ngewobujamo oburhabileko kwaphela.

EBEKULAHLEKILE KWATHOLAKALA Zoke izinto ezifunyenweko kufuze ziyiswe emNyangweni wokuLahlekileko bekwaTholakala. Nangabe kunento ekulahlekeleko, iya emnyangweni lo uyokuqala okukulahlekeleko. Abantwana abalahlekele ababelethi babo kufuze bayiswe emnyangweni lo. Nje-ke, ukwenzela bona kugegedwe imiraro engatlhogekiko, sibawa nitjheje abantwana benu bahlale banani ngaso soke isikhathi.

INDAWO YOKUHLALA Sibawa ucabangele abanye. Khumbula, mndenakho, abantu okhamba nabo ngekoloyi, ohlala nabo ekhaya nofunda nabo iBhayibheli kwaphela ongababekela indawo. Sibawa ungabeki izinto eentulweni ongazokuhlala kizo.

UMNYANGO WAMAVOLONTIYA Nangabe ufuna ukusiza kweminye yemisebenzi yokulungiselela umhlangano, sibawa uye emNyangweni weMininingwana newamaVolontiya.

IsiKolo SabaTjhumayeli BeVangeli LomBuso Amaphayona aseminyakeni ehlangana kwema-23 nema-65 afuna ukusebenzela uZimu ngokungezikweko, ayamenywa emhlanganweni walabo abafisa ukuya esiKolweni sabaTjhumayeli beVangeli lomBuso ngoSondo ntambama. Indawo nesikhathi umhlangano lo ozokubanjwa ngaso kuzokumenyezelwa.