Iimbonelo eziseBhayibhelini ezingasisiza:

• Luk 20:37, 38—UJesu wathi ukuvuswa kwabantu abahlongakeleko kuqinisekiswe nguJehova kangangobana usabaqala njengabantu abaphilako

• Jwa 11:5, 6, 11-14—Ngemva kokuhlongakala komnganakhe amthandako uLazaru, uJesu umadanisa ukufa njengokulala ubuthongo

• Heb 2:14, 15—Umpostoli uPowula wahlathulula ukuthi abantu abanengi balawulwa kusaba ukufa kodwana thina akutlhogeki sizizwe ngendlela leyo

Iimbonelo eziseBhayibhelini ezingasisiza:

• IBhayibheli lisitjela ngabantu ababunane abavuswako bona baphile godu ephasini begodu lisitjela nangokuvuselwa kwakaJesu ezulwini. Nange umuntu omthandako ahlongakele, ungafumana induduzo nethemba eembonelwenezi

  • 1Kh 17:17-24—Umphorofidi u-Eliya uvusa indodana yomhlolokazi weTsarifathi edorobheni leTsidoni

  • 2Kh 4:32-37—Umphorofidi u-Elitjha uvusa umsanyana edorobheni leTjhunemi begodu umnikela ababelethi bakhe

  • 2Kh 13:20, 21—Indoda eqeda ukuhlongakala iyavuswa lokha isidumbu sayo sithinta amathambo womphorofidi u-Elitjha

  • Luk 7:11-15—UJesu nakasedorobheni leNayini, uhlangana nesiqubuthu ebesikhamba nomhlolokazi siyokubulunga indodanakhe begodu uJesu uyayivusa

  • Luk 8:41, 42, 49-56—UJesu uvusa umntazana kaJayirosi umphathi wesinagogo

  • Jwa 11:38-44—UJesu uvusa umnganakhe amthandako uLazaru begodu umhlanganisa nabodadwabo uMarta noMariya

  • IzE 9:36-42—Umpostoli uPitrosi uvusa uDorkasi umKrestu owaziwa ngezenzo zomusa

  • IzE 20:7-12—Umpostoli uPowula uvusa isokana u-Eyutikhusi elahlongakala ngemva kokuwa efesidereni

• UJehova uvusela uJesu Krestu ekuphileni ezulwini, uba sibunjwa somoya esingekhe sisafa, okwenza siqiniseke bona zoke iinthembiso zakaZimu ngengomuso zizokwenzeka

  • IzE 17:31; 1Pt 3:18

• UJesu ngewokuthoma owavuselwa ezulwini, waba sibunjwa somoya esingekhe sisafa kodwana akusuye kwaphela, nabalandeli bakhe abazii-144 000 abazesiweko, bazokuvuswa ngendlela efanako

  • 1Ko 15:20, 23, 51-53; 1Te 4:16, 17; sAm 14:1