Isifundo 2
Kubayini Sibizwa Ngokuthi SiboFakazi BakaJehova?
Abantu abanengi bacabanga ukuthi aboFakazi BakaJehova bayikolo etja. Nokho, ngaphezu kweminyaka eyi-2 700 egadungileko, iinceku zakaZimu weqiniso bezibizwa ngokuthi “boFakazi.” (Isaya 43:
Ibizweli lihlathulula uZimu esimkhonzako. Ngokuya ngokwemitlolo yekadeni, ibizo lakaZimu elithi Jehova, livela iinkhathi ezingaphezu kweenkulungwana ezilikhomba eBhayibhilini. Ematjhugululweni amanengi weBhayibhili, ibizweli lajanyiselwa ngezinye iziqu ezinjengezithi, iKosi namkha uZimu. Yeke, uZimu weqiniso wazembula kuMosisi ngebizo lakhe elithi Jehova, wathi: “Leli libizo lami bekube nini nanini.” (Eksodosi 3:
Ibizweli lihlathula umsebenzethu. Umlando wabantu bekadeni, kusukela endodeni elungileko u-Abela, wanikela ubufakazi ngekholo labo kuJehova. Ngokukhamba kwamakhulu weemnyaka, uNuwa, u-Abrahama, uSara, uMosisi, uDavidi nabanye bahlanganyela ‘nesiqubuthu esikhulu sabofakazi.’ (Hebheru 11:4–12:1) Njengombana umuntu anganikela ubufakazi ekhotho ngomunye umuntu onganamlandu, sizimisele ukwenza iqiniso laziwe ngoZimu esimkhonzako.
Silingisa uJesu. IBhayibhili imbiza ngokuthi ‘ngufakazi othembekileko noqinisileko.’ (ISambulo 3:
Kubayini abaFundi BeBhayibhili bakhetha ibizo elithi aboFakazi BakaJehova?
Sekusikhathi esingangani uJehova anabofakazi ephasini?
Ngubani uFakazi kaJehova omkhulu kunabo boke?