ISIFUNDO 36
Thembeka Kizo Zoke Izinto
Woke umuntu ufuna ukuba nabangani abathembekileko. UJehova naye ulindele ukuthi abangani bakhe bathembeke. Lokhu akusilula ngombana ephasini esiphila kilo abantu abanengi abakathembeki. Kuzuzisa ngani ukuthembeka ezintweni zoke?
1. Ngiliphi ibanga eliqakatheke khulu elisenza sifune ukuthembeka?
Nasithembekileko kwabanye abantu, sitjengisa uJehova ukuthi siyamthanda begodu siyamhlonipha. Cabanga ngalokhu: UJehova wazi koke esikucabangako nesikwenzako. (Hebheru 4:13) Uyabona lokha nasithembekako begodu kuyamthabisa lokho. IliZwi lakhe lithi: ‘UJehova uyamnyenya umuntu okhohlisako, kodwana utjhidelene nabalungileko.’—IzAga 3:32.
2. Kukuphi lapha okufuze sithembeke khona?
UJehova ufuna ‘sitjelane iqiniso.’ (Zakariya 8:16, 17) Kutjho ukuthini lokhu? Lokha nasikhuluma neemndenethu, abantu esisebenza nabo, abafowethu nabodadwethu namkha iinkhulu zakarhulumende asikhulumi amala. Abantu abathembekileko abebi namkha badlelezele abanye. (Funda izAga 24:28 nekwebe-Efesu 4:28) Babhadela yoke imithelo abayikolodako. (Roma 13:5-7) Nasenza lokhu ‘siziphatha ngokuthembeka ezintweni zoke.’—Hebheru 13:18.
3. Kuzuzisa ngani ukuthembeka?
Nasaziwa ngokuthi sithembekile, abanye bazosithemba. Njengemndenini onethando, senza woke umuntu ebandleni azizwe aphephile. Siba nonembeza omsulwa. Ukuthembeka kwethu ‘kukghabisa ifundiso yoMsindisethu, uZimu’ begodu kwenza abanye abantu bafune ukwazi uJehova.—Titosi 2:10.
FUNDA NGOKUNGENELELEKO
Qala ukuthi ukuthembeka kumthinta njani uJehova nawe, ubone ukuthi ungathembeka njani ebujamweni obuhlukahlukeneko.
4. Ukuthembeka kuthabisa uJehova
Funda iRhubo 44:21 noMalaki 3:16, bese nicoca ngemibuzo le:
-
Kubayini kungasikuhlakanipha ukucabanga ukuthi singalifihla iqiniso?
-
Ucabanga bona uJehova uzizwa njani nasikhuluma iqiniso ngitjho nalokha kubudisi?
Abantwana nabakhuluma iqiniso bathabisa ababelethi babo. Nathi nasikhuluma iqiniso sithabisa uJehova.
5. Thembeka ngaso soke isikhathi
Abantu abanengi bakholelwa ukuthi akukghonakali ukuthembeka ngaso soke isikhathi kodwana qala ukuthi kubayini kufuze sithembeke ngaso soke isikhathi. Dlala IVIDIYO.
nda amaHebheru 13:18, bese nicoca ngokuthi singathembeka njani . . .
-
emndeninethu.
-
emsebenzini namkha eskolweni.
-
kobunye ubujamo.
6. Ukuthembeka kuzuzisa thina
Ekuthomeni, ukuthembeka kungabonakala kwanga kusilethela imiraro. Kodwana ngokukhamba kwesikhathi kuzokubonakala ukuthi kuyintwehle esingayenza. Funda IRhubo 34:12-16, bese nicoca ngombuzo lo:
-
Ukuthembeka kukwenza njani ukuphila kwakho kube ngcono?
-
Amadoda nabafazi abathembekileko baqinisa umtjhadwabo
-
Iinsebenzi ezithembekileko zithenjwa baqatjhi bazo
-
Abantu abathembekileko bathenjwa ziimphathimandla
ABANYE ABANTU BATHI: “Amanye amala mancani awatjho litho.”
-
Kubayini ukholelwa ukuthi uJehova uhloya woke amala?
ISIRHUNYEZO
UJehova ufuna abangani bakhe bathembeke kizo zoke izinto abazitjhoko nabazenzako.
Buyekeza
-
Kukuphi lapha kufuze sithembeke khona?
-
Kubayini kungasikuhlakanipha ukucabanga bona singafihla iqiniso?
-
Kubayini ufuna ukuthembeka ngaso soke isikhathi?
HLOLA OKUNGENZASI
Ababelethi bangabafundisa njani abantwana babo bona bathembeke?
Qala ukuthi kubayini kufuze sibhadele umthelo ngitjho nanyana ungasetjenziswa kuhle?
Qala bona yini eyakhuthaza enye indoda bona itjhugulule ipilwayo begodu yenze umsebenzi othembekileko.
“Ngafunda Ukuthi UJehova Unomusa Begodu Uyalibalela” (IsiThala, Julayi 1, 2015)
Okhunye Ongakuthabela
OKUBUZWAKO
Siyini Isifundo SeBhayibheli?
Fumana iimpendulo zemibuzo emalungana nehlelo lethu lesifundo seBhayibheli.
