Uliqala Njani Ingomuso?
Kghani iphasi lethweli . . .
-
lizokuhlala linje?
-
lisazokubhebhedlha ngobumbi?
-
lizokuba ngcono?
OKUTJHIWO YIBHAYIBHELI
“UZimu . . . uzokusula yoke iminyembezi emehlwenabo, ukufa angekhe kusaba khona, ngitjho nokudabuka, nokulila nobuhlungu angekhe kusaba khona. Izinto zekuthomeni zidlulile.” —IsAmbulo 21:3, 4, New World Translation.
ONGAKUZUZA KILOKHO
Msebenzi onomnqopho nowanelisako.—Isaya 65:21-23.
Angekhe usagula namkha utlhage ngananyana ngiyiphi indlela. —Isaya 25:8; 33:24.
Uzokuba nethabo nokuphila okungapheliko nomndeni nabangani.—IRhubo 37:11, 29.
KGHANI SINGAKUKHOLELWA KWAMAMBALA OKUTJHIWO YIBHAYIBHELI?
Iye, nganaka amabanga amabili:
-
UZimu unekghono lokuzalisa isithembiswesi. EBhayibhelini, nguJehova uZimu kwaphela obizwa ngokuthi, ‘Mninimandla woke’ ngombana amandlakhe awapheli. (IsAmbulo 15:3) Yeke, angekhe abhalelwa kusizalisa isithembiso sakhe sokwenza iphasi libe yindawo engcono yokuphila. Njengombana iBhayibhili lisitjho, “ngoZimu koke kuyenzeka.”—Matewu 19:26.
-
UZimu unetjisakalo yokuzalisa isithembiswesi. Ngokwesibonelo, uJehova “ulangazelela” ukuvusa abantu abahlongakeleko.—Jobho 14:14, 15.
IBhayibheli liveza nokuthi iNdodana kaZimu, uJesu, wapholisa abagulako. Bekakwenzelani lokho? Ngombana bekathanda ukwenza njalo. (Markosi 1:40, 41) UJesu wabutjengisa kwamambala ubuntu bakaYise ngokulangazelela ukusiza abatlhagako.—Jwanisi 14:9.
Ngamabanga lawo-ke, singaqiniseka bona uJehova noJesu bafuna ukusenzela ingomuso lethu lithabise!—IRhubo 72:12-14; 145:16; 2 Pitrosi 3:9.
ONGACABANGA NGAKHO
UZimu uzolenza njani iphasi libe yindawo engcono?
IBhayibheli liyawuphendula umbuzo loyo kuMATEWU 6:9, 10, nakuDANYELA 2:44.
Okhunye Ongakuthabela
ISITHALA
Ukwazi Iqiniso Ngengomuso
Qinisa ukukholwa kwakho kilokho okutjhiwo nguZimu ngengomuso lephasi nangabantu abazokuhlala kilo.
IIMFUNDISO ZEBHAYIBHELI EZIQAKATHEKILEKO
Uyini UmBuso KaZimu?
Emsebenzinakhe wokutjhumayela, uJesu wafundisa ngomBuso kaZimu ukudlula nanyana ngiyiphi indaba. Sekuminyaka eminengi, abalandeli bakhe bathandazela umBuso loyo bona uze.
ISITHALA
Khuyini Ezokwenziwa MBuso KaZimu?
UJesu bekazi ukuthi mBuso kaZimu kwaphela ongararulula yoke imiraro esephasini. Khuyini umBuso kaZimu oyenzileko nje okwenza ukuthi siwuthembe?
UKWAZI NGATHI
Bawa Isifundo SeBhayibheli
Fundelwa iBhayibheli endaweni nangesikhathi esivumelana nawe.
