Yoyamba yoluta kuli Akolinto 16:1-24
16 Pa nkhani ya vopeleka voluta kuli atuŵa amene awo, mungakonkheje malangizo ŵenipeleka ku mipingo yaku Galantiya.
2 Nsiku yoyamba ya sondo iliyonse, aliyense akoika kanthu kayakine pambali ku ng’anda kwake mokatijana na vangakwanishe, kuti vopeleka osati vizapelekewe pa nthawe yaningazawela.
3 Koma nikazawela kwamene uko, nizatume analume ŵamungavomekeje mmakalata kuti azatakule mphaso ya chifundo yamene iyo kuluta nayo ku Yelusalemu.
4 Koma keno pangafunike kuti nanesoti nizalute, tizalutile pamozi.
5 Nizawele kwamene uko pofumila ku Makedoniya, chifukwa nizapitile ku Makedoniya.
6 Nizankhale namwe kwamene uko, payakinesoti mpaka nthawe yonse yozizila, kuti muzanipelekeje kwanikuti nizalute kwamene uko.
7 Nufunalini kukuwonani palipano mwakungopita tyala na njila, koma nufuna kuti nizankhale namwe kwa kanthawe, Yehova akalola.
8 Koma nipitilije kunkhala kuno ku Ifenso mpaka pa Chikondwelelo cha Pentekosite,
9 chifukwa muliyango* ukulu wa utumiki wanisegukila, koma pali oshusha anyinji.
10 Timoteyo akazafwika muzawonesheshe kuti osati azankhale na wowa pakati panu, chifukwa yove okata ntchito ya Yehova, monga ni mwanuchitilasoti newo.
11 Tetyo osati pazapezeke munthu womudelela. Muzamupelekeje mwa ntendele kuti azawele kuno, chifukwa newo numuyembekezela pamozi na akwasu.
12 Ponena za nkwasu Apolo, nimupapatila ngako kuti awele kwamene uko kwanu pamozi na akwasu. Chenzelini cholinga chake kuti awele kwalombapano, koma azawele akazafwana mpata.
13 Nkhalani tuni, nkhalani na chikulupililo chotang’a, nkhalani otang’a ntima ndipo nkhalani amphamvu.
14 Vonse vamuchita mukovichita mwa chikondi.
15 Akwasu, muziŵa kuti ŵanthu a m’banja ya Sitefana niye enze oyamba kunkhala okhulupilila* ku Akaya ndipo elipeleka kuti atumikile atuŵa. Tetyo nukulimbikisani kuti,
16 namwesoti pitilijani kunkhala ogonjela kuli ŵanthu monga ni amene awo, na kuli aliyense okatako ntchito yamene iyi mwakhama.
17 Koma nusangalala kuti Sitefana, Fotunato na Akaiko nili nawo kuno, chifukwa aloŵa mmalo mwanu.
18 Ŵanthu amene aŵa anitang’isha ngako newo komasoti atang’isha mwewo. Tetyo ŵanthu monga ni amene aŵa mukoŵalemekeza.
19 Mipingo yaku Asia yupeleka moni. Akula na Pulisika komasoti mpingo usonkhana m’ng’anda mwawo, opeleka moni wofumila pansi pa ntima kuli mwewo monse, mwa Ambuye.
20 Akwasu onse okupasani moni. Mupasane moni mwa chikondi.
21 Lomba londelani moni wangu, wa newo Paulo, wochita lemba neka na kwanja yangu.
22 Aliyense wamene okondalini Ambuye atembelelewe. Welani Ambuye wasu!
23 Kuwama ntima kukulu kwa Ambuye Yesu kunkhale namwe.
24 Nukusimikijilani mwewo monse amene nimwe ophunzila a Khilisitu Yesu kuti nukukondani.
