Yoyamba yoluta kuli Atesalonika 4:1-18
4 Posilijila akwasu, tikupasani malangizo a mwamungachitile vinthu kuti mukokondwelesha Mulungu ndipo muchita chendi vamene ivo. Lomba tukusengani komasoti kukupapatilani mu zina ya Ambuye Yesu kuti mupitilije kuchita vamene ivi kupambana mwamuchitila.
2 Chifukwa muŵaziŵa malangizo* ŵetikupasani kupitila mu zina ya Ambuye Yesu.
3 Mulungu ofuna kuti munkhale atuŵa komasoti kuti mukopewa chiwelewele.*
4 Aliyense wa mwewo akokwanisha kulamulila muŵili wake kuti unkhale utuŵa komasoti wolemekezeka pamenso pa Mulungu.
5 Osati mukonkhala monga ni ŵanthu amitundu iyakine amene oziŵalini Mulungu ndipo ali na chilakolako chisalamulilika cha kuyonana ndipo okhutilalini.
6 Osati papezeke aliyense wochitila nkwake viipa pa nkhani yamene iyi nomuletela mavuto, chifukwa Yehova azapeleke chilango kuli munthu aliyense wamene ochita vinthu vamene ivi, monga ni mwetikuujilani kale komasoti kukuchenjejani mwamphamvu.
7 Chifukwa Mulungu aliye tiite kuti tikochita minkhalidwe yamene ingatiipishe, koma yamene ingatiyavye kuti tinkhale atuŵa.
8 Tetyo munthu wamene onyalanyaza kuchenjejewa kwamene uku onyalanyazalini munthu, koma Mulungu wamene okupasani mzimu wake utuŵa.
9 Koma pa nkhani yokhuza kukonda akwasu, tingafunikelini kuchita kukulembelani chifukwa Mulungu okuphunzisani kuti mukokondana.
10 Ndipo muchita kale vamene ivi kuli akwasu onse aku Makedoniya. Koma tukulimbikisani akwasu kuti mupitilije kuchita vamene ivi kupambana mwamuchitila.
11 Mokatijana na malangizo ŵetikupasani, mukoyeja-yeja kunkhala mwa ntendele, osati mukoloŵelela nkhani za anecho ndipo mukokata ntchito na manja ŵanu.
12 Mukochita vamene ivi kuti munkhale na minkhalidwe yamene ingachitishe kuti ŵanthu amene ni akhilisitulini akokulemekezani komasoti kuti osati mukosoŵa kanthu.
13 Komasoti akwasu, tufunalini kuti munkhale osaziŵa vokhuza ŵanthu amene echifwa, kuti osati munkhale na chisoni cholingana na cha ŵanthu amene aliye chiyembekezo.
14 Chifukwa keno tukhulupilila kuti Yesu echifwa noushiwa niyekuti Mulungu azaushesoti ŵanthu amene echifwa kupitila muli Yesu kuti akankhale naye* pamozi.
15 Mokatijana na mawu a Yehova tukuujani kuti, sewo amene tikuti tipitilije kunkhala na moyo mpaka pa nthawe ya kunkhalapo kwa Ambuye, tizankhalelini pasogolo pa ŵala echifwa.
16 Chifukwa Ambuye amene awo azawele kufuma kululu na mawu oŵilikija olamula. Mawu ŵawo azamvwike kuti ni a nkulu wa angelo ndipo azanyamule lipenga ya Mulungu mmanja mwawo. Ndipo ŵala amene echifwa mwa Khilisitu azankhale oyambilila kuuka.
17 Pavuli pake sewo amene tizankhale tikali na moyo, pamozi na ove tizatolewe noluta mmikumbi kuyakumana na Ambuye mmululu ndipo tikonkhala na Ambuye nthawe zonse.
18 Tetyo pitilijani kutang’ishana na mawu amene aŵa.
Malizu a m'nyansi
^ Olo kuti, “malamulo.”
^ Mu Chigiliki por·nei′a. Onani matanthauzo a mawu ayakine.
^ Kutanthauza Yesu.
