Yoyamba ya Petulo 5:1-14
5 Tetyo, newo monga nkulu muyanu, wamene niwona mwechitamanila Khilisitu komasoti nuyembekezela kuzalondela nawo ulemelelo ukuti uzawonekele, nusenga akulu amene ali pakati panu kuti:
2 Ŵetelani gulu ya mbelele za Mulungu zamene zili mmanja mwanu. Monga ololela, mukokata ntchito yanu, osati mokakamijika koma mofunishisha monga atumiki a Mulungu. Mukoikata na ntima wonse osati chifukwa chofuna kufwanapo pindu.
3 Osati mukochita vinthu monga ni mafumu pakati pa ŵanthu a Mulungu,* koma mukopeleka chisanzo chiweme kuli gulu ya mbelele.
4 Ndipo chiŵeta nkulu akazawonekela, muzalondele mphoto* isawonongeka yamene ni ya ulemelelo.
5 Chimozi-mozisoti mwewo achilumbwana, mukogonjela analume achikulile.* Komasoti mwewo monse mukochita vinthu molichefya, chifukwa Mulungu osangalalalini na ŵanthu olikuja. Koma olichefya oŵawonesha kuwama ntima kwake kukulu.
6 Tetyo lichefyeni pamenso pa Mulungu wasu wamphamvu* kuti azakukwejeni nthawe yake ikazakwana.
7 Mukochita vamene ivi pamumutulila nkhaŵa zanu zonse, chifukwa okusakililani viweme.
8 Munkhale mphela oganiza luweme ndipo nkhalani tchelu chifukwa mdani wanu Mdyelekezi oyenda-yenda monga ni mphondolo yuuluma kuti ilye muyakine.
9 Tetyo munkhale na chikhulupililo chotang’a ndipo mulimbane naye, poziŵa kuti akwanu pa chalo chonse okumanasoti na mavuto monga ni amene awo.
10 Mukatamana kwa nthawe itontho, Mulungu wamene owonesha kuwama ntima konse kukulu, wamenesoti ekuitani kuti munkhale okatijana na Khilisitu komasoti kuti mulondele ulemelelo wosasila, azasilijishe kukuphunzisani. Yove azakupaseni mphamvu, azakuyavyeni kuti munkhale mphela okhulupilika komasoti azakutang’isheni.
11 Mphamvu ni zake mpaka kale-kale. Ame.
12 Nakulembelani kalata ifupi yamene iyi kupitila mwa Silivano,* nkwasu wamene numuwona kuti ni wokhulupilika. Nakulembelani vamene ivi kuti nikulimbikiseni nokusimikijilani kuti kuwama ntima kukulu kwa Mulungu n’kwamene uku, ndipo mukukate mwamphamvu.
13 Mayi* wamene ali ku Babulo, wamene Mulungu emusankha mwapadela monga ni mwewo, komasoti mwana wangu Maliko, opeleka moni.
14 Mupasane moni mwachikondi.*
Monse amene nimwe okatijana na Khilisitu, munkhale na ntendele.
Malizu a m'nyansi
^ Olo kuti, “pakati pa ŵanthu amene ni chuma cha Mulungu.”
^ Mu Chigiliki, “chisote chachifumu chosawonongeka.”
^ Olo kuti, “akulu.”
^ Mu Chigiliki, “lichefyeni pansi pa kwanja ya mphamvu ya Mulungu.”
^ Wamene enzeziŵikasoti kuti Sila.
^ Mawu akuti “mayi,” vingachitike kuti otanthauza mpingo.
^ Mu Chigiliki, “popasana kisi mwachikondi.”
