Yoyamba ya Yohani 4:1-21
4 Akwasu apantima, osati mukokhulupilila mawu aliwonse oujiliwa,* koma mukofufuza mawu oujiliwa amene awo* kuti muwone keno ni ofumila chendi kwa Mulungu, chifukwa aneneli anyinji awenye ayamba kupezeka muli ichi chalo.
2 Kuti tiziŵe keno mawu oujiliwa ni ofumila kwa Mulungu, tuziŵila ivi: Mawu aliwonse oujiliwa amene ovomekeja kuti Yesu Khilisitu ewela monga munthu ni ofumila kwa Mulungu.
3 Koma mawu aliwonse oujiliwa amene oshusha vakuti Yesu ewela monga munthu, amene awo ni ofumilalini kwa Mulungu. Mawu amene awo ni oujiliwa na wokana Khilisitu. Mwichimvwa kuti wokana Khilisitu wamene uyu azalaŵile mawu amene aŵa ndipo pali pano oŵalaŵila chendi muli ichi chalo.
4 Ŵanamwe apantima, mwewo nimwe ofumila kwa Mulungu ndipo mwagonjesa aneneli awenye amene awo. Vili tetyo chifukwa wamene ni wokatijana na mwewo ni nkulu kupambana wamene ali katijane na chalo.
5 Aneneli amene aŵa awenye ni ofumila muli ichi chalo, n’chifukwa chake olaŵila vinthu vukatijana na chalo ichi ndipo chalo chuŵamvwila.
6 Sewo tifumila kwa Mulungu. Wamene oziŵa Mulungu otimvwila, koma wamene aliye fumile kwa Mulungu otimvwilalini. Mwamene umu niye mwatuziŵila mawu oujiliwa achendi olo mawu oujiliwa awenye.
7 Akwasu apantima, tiyeni tipitilije kukondana, chifukwa chikondi chufumila kwa Mulungu. Aliyense wamene okonda ŵanthu ayakine ni mwana wa Mulungu, ndipo oziŵa Mulungu.
8 Munthu wamene okondalini ŵanthu ayakine oziŵalini Mulungu, chifukwa Mulungu ni chikondi.
9 Vechichita Mulungu potiwonesha chikondi chake ni ivi: Etumija Mwana wake wovyalika yeka muli ichi chalo, kuti tizafwane moyo wosasila kupitila muli yove.
10 Mulungu etumija Mwana wake monga nsembe yoziŵilijila machimo ŵasu.* Echita vamene ivi chifukwa chakuti etikonda, osati chifukwa chakuti sewo niye timukonda.
11 Akwasu apantima, keno Mulungu etikonda teti, niye kuti nasesoti tufunikila kukondana.
12 Paliye wamene ewonako Mulungu. Tikapitilija kukondana, Mulungu apitilije kunkhala nase ndipo akotiwonesha chikondi chake mokwanila.
13 Tuziŵa kuti nise okatijana naye komasoti yove ni wokatijana nase chifukwa watipasa mzimu wake.
14 Komasoti sewo tawona ndipo tuchitila umboni kuti Atata etumija Mwana wawo kuti ankhale wopulumusha chalo.
15 Aliyense wamene ovomekeja kuti Yesu Khilisitu ni Mwana wa Mulungu, onkhala mphela wokatijana na Mulungu ndipo Mulungu onkhalasoti wokatijana naye.
16 Sewo tuziŵa komasoti tukhulupilila kuti Mulungu otikonda.
Mulungu ni chikondi, ndipo munthu wamene opitilija kuwonesha chikondi, opitilija kunkhala wokatijana na Mulungu komasoti Mulungu onkhala wokatijana naye.
17 N’chifukwa chake sewo tuwonesha chikondi mokwanila kuti tizakwanishe kulaŵila momasuka pa nsiku yachiweluzo, chifukwa mwalili Yesu Khilisitu, niyesoti mwatilili sewo muli ichi chalo.
18 Wowa uchitisha kunkhala womangika. Koma munthu wamene okonda Mulungu ochitalini wowa, chifukwa chikondi chamene ni chokwanila chusilija wowa. Munthu wamene ochita wowa, chikondi chake ni chosakwanila.
19 Sewo tuwonesha chikondi, chifukwa Mulungu niye eyamba kutikonda.
20 Keno muyakine onena kuti, “Okonda Mulungu,” koma ozonda nkwake, niye kuti ni wa wenye. Chifukwa wamene okondalini nkwake wamene okwanisha kumuwona, angakondelini Mulungu wakaliye wonako.
21 Ndipo yove etipasa lamulo yakuti, munthu wamene okonda Mulungu akokondasoti nkwake.
Malizu a m'nyansi
^ Mu Chigiliki, “mzimu uliwonse.”
^ Mu Chigiliki, “mizimu yamene iyo.”
^ Olo kuti, “monga njila yokondweleshela Mulungu.”
