Yachiŵili yoluta kuli Atesalonika 2:1-17
2 Koma akwasu, pa nkhani yokhuza kunkhalapo kwa Ambuye wasu Yesu Khilisitu komasoti kuunganijiwa kwasu kuli yove, tukusengani kuti:
2 Osati muvomele kuti munthu aliyense achinje maganizo ŵanu aweme. Osati musokonezeke keno muyakine anganene kuti nsiku ya Yehova yafwika, olo keno anganene kuti uthenga wamene uyo ni wofumila kwa Mulungu, komasoti kunena kuti eŵelenga mu kalata yakunena ŵanthu ayakine kuti sewo niye tilemba.
3 Osati muvomele kuti aliyense akuluŵilisheni* mwa njila iliyonse chifukwa nsiku yamene iyo ikaliye fwika, poyamba mpatuko ufunikila kuchitika komasoti munthu asamvwila malamulo, wamene ni mwana wachiwonongeko, ofunikila kuwonekela.
4 Yove oshusha komasoti kuliika palulu pa aliyense woitiwa kuti mulungu olo pa chilichonse chamene chulambiliwa* mwakuti onkhala pansi m’kachisi wa Mulungu noliwonesha patuŵa kuti yove ni mulungu.
5 Kansi mukumbukilalini kuti penenze namwe pamozi nenzekuujani vamene ivi?
6 Ndipo mwewo muziŵa chuchitisha kuti pakalipano osati awonekele, kuti azawonekele pa nthawe yake iweme.
7 N’chendi, kuipa kwa munthu wamene uyu, kwamene ni kwachisinsi kwayamba kale kukata ntchito. Koma kuipa kwamene uku kupitilije kunkhala chisinsi mpaka kufumapo kwa wamene omukangisha.
8 Pavuli pake, asamvwila malamulo wamene uyo azawonekele patuŵa. Ambuye Yesu azachosepo asamvwila malamulo wamene uyu na mzimu wa nkamwa mwake ndipo azamuwonongeletu pa nthawe yati kuzawonekele kunkhalapo kwa Yesu wamene uyo.
9 Koma kunkhalapo kwa asamvwila malamulo wamene uyo kukwanishika na mphamvu za Satana. Yove okata ntchito iliyonse yamphamvu, vizindikilo vawenye, vodabwisa
10 komasoti okatishila ntchito njila iliyonse yachinyengo kuti asemphe ŵanthu akuyawonongewa. Vamene ivi vizankhale chilango kuli ove chifukwa aliye londele komasoti kukonda choonadi kuti azapulumuke.
11 N’chifukwa chake Mulungu walola kuti ove asemphewe na viphunziso vawenye na cholinga chakuti akokhulupilila wenye,
12 kuti onse amene awo azaweluziwe chifukwa aliye khulupilile choonadi koma enzekondwela pochita vinthu viliye chilungamo.
13 Olo n’tetyo, tufunikila kutembeja Mulungu nthawe zonse chifukwa cha mwewo, akwasu amene Yehova okukondani, chifukwa Mulungu ekusankhani kufumila pachiyambi kuti muzapulumuke. Echita vamene ivi pokutuŵishani na mzimu wake komasoti chifukwa mwekhulupilila choonadi.
14 Ekuitani ku chipulumuso chamene ichi kupitila mu uthenga uweme watulalikila, kuti muzafwane ulemelelo wa Ambuye wasu Yesu Khilisitu.
15 Tetyo akwasu, munkhale otang’a ndipo mukate mwamphamvu miyambo yemwiphunzisiwa keno ni kupitila mmawu apakamwa olo mu kalata yofumila kuli sewo.
16 Komasoti Ambuye wasu Yesu Khilisitu na Mulungu Atata ŵasu amene etikonda ndipo okangiwalini kutitang’isha komasoti etipasa chiyembekezo chiweme kupitila mu kuwama ntima kukulu,
17 atang’ishe mitima yanu nokulimbikisani kuti nthawe zonse mukochita komasoti kulaŵila vinthu viweme.
