Kuli Agalantiya 6:1-18
6 Akwasu, keno munthu wapatuka noyamba kuyenda mu njila yophoniyeka mosaziŵa, mwewo amene nimwe oyenelela mwauzimu, yejani kumuyavya munthu wamene uyo na mzimu wofasa. Koma pamuchita vamene ivi munkhale osamala, kuyopela kuti namwesoti mungayesewe.
2 Pitilijani kunyamulilana vinthu volema. Keno muchita vamene ivi mukokwanilisha chilamulo cha Khilisitu.
3 Chifukwa keno muyakine oliwona kuti ni wofunika pamene alilini tetyo, olisempha yeka.
4 Koma aliyense payeka ayese vochita vake kuti awone kuti ni votyani. Akachita tetyo azankhale na chifukwa changankhalile wokondwela na vamene ivo vakuchita, osati molilinganija na munthu muyakine.
5 Chifukwa aliyense ofunikila kunyamula katundu wake.*
6 Komasoti aliyense wamene ophunzisiwa mawu amene aŵo ayaŵane vinthu vonse viweme na wamene uyo omuphunzisa.
7 Osalisempha, Mulungu osemphekalini. Chilichonse chawakomola munthu, azawejesoti chamene icho.
8 Chifukwa wamene okomola na cholinga chofuna kupindulisha muŵili wake, azaweje chiwonongeko kufumila mmuŵili wake wamene uyo, koma wamene okonkheja mzimu wa Mulungu azaweje moyo wosasila kufumila mu mzimu wamene uyo.
9 Tetyo osati tileke kuchita viweme, chifukwa pa nthawe yake tizaweje tikaleka kuŵeŵa.*
10 Lomba keno tingakwanishe, tiyeni tichitile onse viweme, koma maka-maka akwasu na akalongosi ŵasu m’chikhulupililo.
11 Onani mabii akulu-akulu ŵanakulembelani na kwanja yangu.
12 Onse amene ofuna kuti akowoneka monga ni aweme pa menso pa ŵanthu niye okukakamijani kuti muchitiwe mdulidwe. Ove ochita vamene ivi kuti osati atamanishiwe chifukwa cha chimuti chotamanilapo* cha Khilisitu.
13 Chifukwa olo ochitiwa mdulidwe amene awo osungalini Chilamulo, koma ofuna kuti mwewo muchitiwe mdulidwe na cholinga chakuti akolitumba chifukwa cha vamene vachitika pa muŵili wanu.
14 Newo nufunalini kulitumba pa chifukwa chiyakine chilichonse kupatulapo chifukwa cha chimuti chotamanilapo* cha Ambuye wasu Yesu Khilisitu. Kuli newo, chalo chiweluziwa kuti chipaiwe* kupitila muli yove, koma molingana na kuwona kwa ichi chalo, newo niweluziwa kuti nipaiwe kupitila muli yove.
15 Chifukwa kuchitiwa mdulidwe olo kusachitiwa mdulidwe ni kosafunika, koma chofunika ni kunkhala wolengewa mwanyowani.
16 Koma onse amene okonkheja lamulo yamene iyi ya mwatufunikila kunkhalila, wamene ni Isilaeli wa Mulungu, ankhale na ntendele ndipo Mulungu aŵawoneshe chifundo.
17 Kufumila lomba, osati papezeke munthu onivutisha, chifukwa muŵili wangu uyu uli na vidindo vuwonesha kuti nine kapolo wa Yesu.
18 Akwasu, kuwama ntima kukulu kwa Ambuye wasu Yesu Khilisitu kunkhale namwe chifukwa cha mzimu wamuwonesha. Ame.
Malizu a m'nyansi
^ Olo kuti, “katundu wamene ni udindo wake.”
^ Olo kuti, “kuleka.”
^ Onani matanthauzo a mawu ayakine.
^ Onani matanthauzo a mawu ayakine.
^ Olo kuti, “chipanyikiwe pachimuti.”
