Kuli Aloma 13:1-14
13 Munthu aliyense akomvwila olamulila akulu-akulu, chifukwa paliye ulamulilo ungankhalepo kuchosapo keno Mulungu waulola. Olamulila amene aŵa amene alipo, ali mmaudindo ŵawo osiyana-siyana mololewa na Mulungu.
2 Tetyo wamene oshushana na ulamulilo oshushana na vechikonza Mulungu. Wamene oshushana na vechikonza Mulungu, azalondele chiweluzo.
3 Chifukwa olamulila oyofya keno uchita viipa, osati keno uchita viweme. Lomba kansi ufuna kuti osati ukoyopa olamulila? Pitilija kuchita viweme ndipo olamulila azakutamande.
4 Olamulila amene awo ni ntumiki wa Mulungu kuti vinthu vikuyendele luweme. Koma keno uchita viipa, chita wowa chifukwa okatalini chibemba patyala, pakuti ove ni ntumiki wa Mulungu owonesha ukali wa Mulungu kuli munthu ochita vinthu viipa.
5 Tetyo pali chifukwa chiweme chakuti mukogonjela, osati tyala chifukwa choyopa ukali wamene uyu, koma chifukwasoti cha chikumbuntima chanu.
6 N’chifukwa chake mupelekasoti misonkho, pakuti ove ni antchito a Mulungu otumikila ŵanthu ndipo okwanilisha cholinga chamene ichi nthawe zonse.
7 Mukopeleka kuli onse vala vakufuna. Wala ofuna nsonkho, mpaseni nsonkho. Wala ofuna ndalama ya chipepa cha ntundu uliwonse, mpaseni ndalama ya chipepa. Wala ofuna kuyopewa, muyopeni. Wala ofuna kupasiwa ulemu, mpaseni ulemu wake.
8 Mwewo mwa ŵanthu, osati mukonkhala na nkhongole iliyonse na munthu aliyense, kuchosapo kukondana pakuti wala okonda munthu muyake wakwanilisha lamulo.
9 Chifukwa malamulo onena kuti, “osachita chigololo, osapaya munthu, osaiŵa, osakumbwila mwa nsanje,” komasoti lamulo iyakine iliyonse yamene ilipo, chidule chake chili mmawu aŵa akuti: “Ukokonda muyako monga ni mwaulikondela weka.”
10 Chikondi chulimbikisalini munthu kuchitila muyake viipa, tetyo chikondi chuyavya munthu kuti akwanilishe lamulo.
11 Chitani vamene ivi, maka-makasoti chifukwa chakuti nyengo ino muiziŵa kuti tili kale mu nthawe yakuti muuke ku tulo, chifukwa palipano chipulumuso chasu chili pafupi ngako kusiyana na nthawe yetinkhala okhulupilila.
12 Usiku uli pafupi kusila ndipo nzuŵa mwavwendela. Tetyo tiyeni tivule ntchito za mfinzi ndipo tivwale visulo vakungweleŵela.
13 Tiyeni tinkhale na nkhalidwe yoyenelela monga ni ŵala ŵanthu ochita vinthu nzuŵa. Tikopewa maphwando aipa,* kumwa mwauchakolwa,* chiwelewele, nkhalidwe iliye nsoni,* mikangano komasoti nsanje.
14 Koma vwalani Ambuye Yesu Khilisitu, ndipo osati mukochita kukonzekela kuchita vinthu vaufuna muŵili.
Malizu a m'nyansi
^ Olo kuti, “maphwando achongo.”
^ Mawu a Chigiliki amene emasuliliwa kuti “kumwa mwauchakolwa” otanthauza kumwa ngako walwa komasoti mosalilesha na cholinga chofuna kukolwa.
^ Mu Chigiliki a·sel′gei·a. Onani matanthauzo a mawu ayakine.
