Wilembewa na Maliko 16:1-8
-
Yesu eushiwa (1-8)
16 Peisila nsiku ya Sondo, Maliya waku Magadala, Maliya amayi ŵake a Yakobo na Salome egula vonunkhilisha kuti akazoleke muŵili wa Yesu.
2 Mmawa ngako nsiku yoyamba ya sondo yamene iyo, ove efwika ku manda* amene awo zuŵa yafuma.
3 Ove enzekonshana kuti: “Niŵani akuti akatigugulushile chala chimwala pa muliyango a manda amene ŵala?”
4 Koma pechiloleshesha, ewona kuti mwala wamene uyo wagugulushiwa kale olo kuti wenze ukulu ngako.
5 Pechiloŵa mmanda mwamene umo, ewona mulumbwana ali nkhale pansi mbali yaku kwanja ngayo, alivwale mkhanjo utuŵa ndipo ove edabwa ngako.
6 Yove eŵauja kuti: “Osadabwa teti. Nuziŵa kuti mufuna Yesu Mnazaleti, wamene epaiwa popanyikiwa pachimuti. Yove waushiwa kwa akufwa, muno muliye. Onani, ni apalini pechimuika!
7 Mwewo nkhoyani mukauje ophunzila ŵake komasoti Petulo kuti, ‘Watangula kuluta ku Galileya. Kwamene uko mukamuwone mokatijana na vechikuujani.’”
8 Ove pechifuma mmanda mwamene umo eyamba kuthaŵa uku onjenjemela komasoti kututumila ngako. Ndipo aliyeuje munthu aliyense vamene ivo vichitika chifukwa enze na wowa.*
Malizu a m'nyansi
^ Olo kuti, “kumanda achikumbukilo.”
^ Mokatijana na mipukutu yodalilika yakale, Uthenga Uweme wa Maliko usilila mu vesi 8.
