Wilembewa na Mateyo 1:1-25
1 Buku ya nzela wa makolo a Yesu Khilisitu,* mwana wa Davite, mwana wa Abulahamu:
2 Abulahamu evyala Isaki.Isaki evyala Yakobo.Yakobo evyala Yuda nenekwake ayakine.
3 Yuda evyala Pelezi na Zela, ndipo amayi ŵawo enze Tamala.Pelezi evyala Eziloni.Eziloni evyala Lamu.
4 Lamu evyala Aminadabu.Aminadabu evyala Nasoni.Nasoni evyala Salimoni.
5 Salimoni evyala Bowazi, ndipo amayi ŵake enze Lahabi.Bowazi evyala Obedi, ndipo amayi ŵake enze Lute.Obedi evyala Djese.
6 Djese evyala mfumu Davite.
Davite evyala Solomo, wamene amayi ŵake enze nkazi wa Uliya.
7 Solomo evyala Lehobowamu.Lehobowamu evyala Abiya.Abiya evyala Asa.
8 Asa evyala Yehosafati.Yehosafati evyala Yeholamu.Yeholamu evyala Uziya.
9 Uziya evyala Yotamu.Yotamu evyala Ahazi.Ahazi evyala Ezekiya.
10 Ezekiya evyala Manase.Manase evyala Amoni.Amoni evyala Yosiya.
11 Yosiya evyala Yekoniya nenekwake pa nthawe yechitolewa Ayuda kuluta ku Babulo.
12 Ayuda pechitolewa kuluta ku Babulo, Yekoniya evyala Salatiyeli.Salatiyeli evyala Zelubabele.
13 Zelubabele evyala Abiyudi.Abiyudi evyala Eliyakimu.Eliyakimu evyala Azolo.
14 Azolo evyala Zadoki.Zadoki evyala Akimu.Akimu evyala Eliyudi.
15 Eliyudi evyala Eleyazala.Eleyazala evyala Matani.Matani evyala Yakobo.
16 Yakobo evyala Yosefe mulume wake wa Maliya, wamene evyala Yesu, oitiwa kuti Khilisitu.
17 Tetyo mibadwo yonse kufumila pa Abulahamu kuyafwika pa Davite yenzepo 14. Kufumila pa Davite kuyafwika pa nthawe yechitolewa Ayuda kuluta ku Babulo penze mibadwo 14. Kufumila pa nthawe yechitolewa Ayuda amene awo kuluta ku Babulo kuyafwika pa Khilisitu, penze mibadwo 14.
18 Vichitika kuti Yesu Khilisitu avyalike ni ivi: Pa nthawe yechilonjezewa amayi ŵake Maliya kuti azalunguliwe na Yosefe, Maliya epezeka kuti ali na vumo mwa mzimu utuŵa* akaliye lungulana.
19 Koma chifukwa chakuti mulume wake Yosefe enze munthu wachilungamo ndipo aliyefune kumuchitisha nsoni kuli ŵanthu, eganiza zakuti amuleke mwachisinsi.*
20 Koma pechiganizila ngako za nkhani yamene iyi, mngelo wa Yehova ewonekela kuli yove m’maloto nomuuja kuti: “Yosefe, mwana wa Davite, osayopa kutola nkazi wako Maliya noluta naye ku ng’anda, pakuti yove ali na vumo chifukwa cha mphamvu ya mzimu utuŵa.
21 Yove azavyale mwana mwanalume ndipo uzamuteye zina yakuti Yesu,* chifukwa azapulumushe ŵanthu ŵake ku machimo ŵawo.”
22 Vonse vamene ivi vichitika chendi kuti vechinena Yehova kupitila muli mneneli wake vikwanilishiwe. Yove enena kuti:
23 “Mvwani! Ndola izankhale na vumo ndipo izavyale mwana mwanalume. Mwana wamene uyo azamuteye zina yakuti Emanueli,” yamene kuimasulila kwake yutanthauza kuti “Mulungu ali nase.”
24 Tetyo Yosefe euka nochita mokatijana na vechimuuja mngelo wa Yehova. Etola nkazi wake noluta naye kung’anda.
25 Koma yove aliye yonane naye mpaka pechivyala mwana mwanalume. Mwana wamene uyo emuteya zina yakuti Yesu.
Malizu a m'nyansi
^ Olo kuti, “Mesiya; Wozozewa.”
^ Olo kuti, “mphamvu ya Mulungu.”
^ Mu Chigiliki tinganene kuti, “eganiza zomusuzula mwachisinsi.” Chifukwa pa chinkhalidwe cha chiyuda, kuti munthu asilije lonjezo ya ukwati enzefunikila kukonkheja dongosolo yosilijila ukwati.
^ Mu Chihebeli zina yamene iyi oiita kuti Yesuwa olo kuti Yoswa ndipo yutanthauza kuti “Yehova Ni Chipulumuso.”
