Febuluwale 26–Malichi 3
SALIMO 11-15
Nyimbo N.° 139 na Pemphelo | Mawu oyamba (1 min.)
1. Yelekezelani kuti muli m’chalo chanyowani mwamene muli ntendele wa Mulungu
(10 min.)
Keno ŵanthu okonkhejalini malamulo na malangizo, vamene ivi vuyambisha chisokonezo pakati pa ŵanthu ndipo ponkhala lini chilungamo (Sl 11:2, 3; Nsanja ya Mulonda 15/05/2006 pedji 18 ndim. 3)
Sewo tingankhale na chidalilo kuti kwalombapano Yehova asilije vinthu vachiwawa (Sl 11:5; Nsanja ya Mulonda 04/2016 pedji 11)
Kuganizila lonjezo ya Mulungu yachipulumuso kungatiyavye kuti tikoyembekezela chalo chanyowani moleza ntima (Sl 13:5, 6; Nsanja ya Mulonda 08/2017 pedji 6 ndim. 15)
YEJANI KUCHITA IVI: Ŵelengani Ezekieli 34:25, ndipo patulani nthawe yoliyelekezela kuti muli pa malo a ntendele amene ofotokozewa pa lemba yamene iyi.—Ufumu wa Mulungu pedji 236 ndim. 16.
2. Kusakila-sakila Mfundo zingatiyavye
(10 min.)
-
Sl 14:1—Kansi minkhalidwe yamene yufotokozewa pa lemba yamene iyi yuŵakhuza tyani Akhilisitu? (Nsanja ya Mulonda 15/09/2013 pedji 19 ndim. 12)
-
Kansi ni mfundo zotyani zamwafwana m’chuma chauzimu pakuŵelenga Baibolo kwa ino sondo zamungafotokoze?
3. Kuŵelenga Baibolo
(4 min.) Sl 13:1–14:7 (th phunzilo 2)
4. Kuyambisha makambilano
(2 min.) ULALIKI WA MWAMWAYI. Muitileni munthu wamene uyo ku Chikumbukilo. (Kondani ŵanthu mutu 5 mfundo 3)
5. Kuyambisha makambilano
(1 min.) ULALIKI WA NG’ANDA NA NG’ANDA. Muitileni munthu wamene uyo ku Chikumbukilo. (Kondani ŵanthu mutu 3 mfundo 4)
6. Kuyambisha makambilano
(3 min.) ULALIKI WA NG’ANDA NA NG’ANDA. Munthu wamene wawonesha chidwi na kapepa koitila ŵanthu ku chikumbukilo. (Kondani ŵanthu mutu 7 mfundo 4)
7. Kupanga ophunzila
(5 min.) Sangalalani na moyo mutu 13 mfundo zachidule, makonsho oweleja, na cholinga. Katishilani ntchito nkhani ili pa chigawo cha “Phunzilani vinyinji” kuti muyavye wophunzila wanu kumvwisha maganizo a Mulungu ponena za vipembezo va wenye. (th phunzilo 12)
Nyimbo N.° 8
8. “Nzelu ni iweme ngako kupambana vida va nkhondo”
(10 min.) Nkhani yokambilana.
Vinthu va chiwawa vupakila-pakila pa chalo chonse. Yehova oziŵa kuti vinthu va chiwawa vatuwona nokumana navo vutidesa nkhaŵa ngako. Yove oziŵasoti luweme kuti sewo tufunikila kutetezewa. Njila imozi yakutitetezela Mulungu, ni kupitila m’Mawu ŵake Baibolo.—Sl 12:5–7.
Baibolo yupeleka nzelu zamene “zupambana kunkhala na vida voniyatila nkhondo.” (Mla 9:18) Ganizilani mwamene mfundo izi zokonkhapo za m’Baibolo mwazingatitetezele ku vinthu vachiwawa.
-
Mla 4:9, 10—Mukopewa kunkhala mweka-mweka m’madela komasoti n’vochitika vamene viliye chitetezo
-
Miy 22:3—Nthawe zonse mukoziŵilatu vinthu vamene vuchitika pafupi na mwewo mukankhala pa gulu ya ŵanthu
-
Miy 26:17—Mukopewa kuloŵelela mikangano yamene yukukhuzani lini
-
Miy 17:14—Mukofuma mu dela yanu mukayamba kuwona kuti mufuna muchitike chinthu chiyakine cha chiwawa. Ndipo mukopewa kunkhala pafupi na gulu ya ŵanthu amene ochita viwoneselo
-
Lu 12:15—Osati mukoika moyo wanu pa ngozi pofuna kuteteza katundu wanu
Lolelani VIDIYO yakuti Konkhejani ŵanthu okhulupilika osati osakhulupilika,—Inoki, osati Lameki. Pavuli pake, konshani omvwishila konsho iyi yokonkhapo:
Kansi chisanzo cha Inoki chikhuza tyani vosankha komasoti minkhalidwe ya atata ŵake pa nthawe yenzekumana na vinthu vachiwawa?—Ahe 11:5
M’vochitika viyakine, payakine Nkhilisitu angawone kuti ofunikila kuchitapo kanthu kuti aliteteze kapena kuteteza chuma chake. Keno n’tetyo, yove ofunikila kuchita chilichonse changakwanishe kuti osati apaye munthu komasoti kuti osati ankhale na mulandu wa milopa.—Sl 51:14; Onani “Makonsho ofumila kuli oŵelenga” mu Nsanja ya Mulonda ya Djulayi 2017.
9. Ntchito yoitila ŵanthu ku Chikumbukilo izayambe pa Chiŵelu pa March 2
(5 min.) Ilaŵiliwe na nkulu. Fotokozani makonzedwe apangiwa kudela yanu okhuza nkhani yapadela na ya chikumbukilo komasoti mwatingachitile kuti tizalalikile gawo yonse. Kumbushani ofalisa kuti angasankhe kuchita upainiya wothandiza kwa maola 15 m’miyezi ya Malichi na Epulayelo.
10. Phunzilo ya Baibolo ya mpingo
(30 min.) Banja yanu mawu oyamba na mutu 1
