Kansi n’chinji chingayavye kuti banja iŵe yotemwa?
Mulingilila kuti ni . . .
-
chikondi?
-
ndalama?
-
olo vinthu viyakine?
BAIBOLO YULAŴILA KUTI
‘Wotemwa niwala wakunvwa malizu ya Mulungu na kuŵasunga!’—Luka 11:28, Baibulo la Dziko Latsopano.
MWA KUZIŴA VAMENE IVI KUNGAKUYAVYENI TYANI?
Mungaŵe na chisangalalo ngacho-ngacho.—Aefeso 5:28, 29.
Mungakwanishe kulemekezana.—Aefeso 5:33.
Mungakwanishesoti kuchetekelana.—Maliko 10:6-9.
MWA TUWAMILA KUCHETEKELA CHENDI VAYULAŴILA BAIBOLO?
Ee, pa vikomo viŵili:
-
Mulungu niye eyambisha banja. Baibolo yulaŵila kuti Yehova Mulungu niye ‘ochitisha banja iliyonse, . . . kuŵa na zina.’ (Aefeso 3:14, 15) M’malizu ayakine tingalaŵile kuti mabanja alipo ndaŵa Yehova niye epangisha kuti ankhalepo. Kansi vamene ivi vutanthauza chinji?
Lingililani izi: Mukankhala kuti mukulya chakulya chiweme ngako, lomba mufuna muziŵe mwakupikila kansi mungakoshe ŵani? Mwachiziŵikile mungakonshe wala wapika.
N’chimozimozisoti na Banja. Kuti tiŵe na banja yotemwa tuwamila kufwana malangizo a Yehova wamene otang’isha mabanja.—Genesis 2:18-24.
-
Mulungu okudelani nkhaŵa. Mabanja yanzelu oyeja-yeja kusakila malangizo ofumila kwa Yehova yamene yofwaniwa m’Baibolo. N’chifukwa nchinji tutetyo? Tutetyo ‘poti yove okudelani nkhaŵa.’ (1 Petulo 5:6, 7) Yehova otisakilila viweme ngako komasoti malangizo yakutipasa yonkhala yotiyavya nthawe zonse.—Miyambo 3:5, 6; Yesaya 48:17, 18.
KONSHO YAKUTI MUKOLINGILILA
Kansi mungachite tyani kuti munkhale mwanalume, mwanakazi, olo kolo iweme?
Baibolo yuyankha konsho yamene iyi pa AEFESO 5:1, 2 na pa AKOLOSE 3:18-21.