Kansi ni ŵani ngaye-ngaye otonga chino chalo?
Mwe mulingilila kuti . . .
-
ni Mulungu?
-
ŵanthu?
-
olo Satana?
BAIBOLO YULAŴILA KUTI
‘Chalo chonse chili m’manja mwa muyakene muipa.’—1 Yohane 5:19.
‘Mwana wa Mulungu ewonekela kuzocheneka nchito za Maleŵanya.’—1 Yohane 3:8, Baibulo la Dziko Latsopano.
MWA KUZIŴA VAMENE IVI KUNGAKUYAVYENI TYANI?
Kungakuyavyeni kuziŵa chifukwa chake pano pa chalo pali matamano.—Chivumbulutso 12:12.
Kungakuyavyeni soti kuchetekela kuti chalo chizachinje kunkhala chiweme.—1 Yohane 2:17.
MWA TUWAMILA KUCHETEKELA CHENDI VAYULAŴILA BAIBOLO?
Ee, pa vikomo vitatu:
-
Utongi wa Satana unamasiku atontho. Yehova wasimikija kufumyapo utongi wa Satana pa chalo. Mulungu olonjeza ‘kumusilijilatu Maleŵanya,’ nowamya vonse vechicheneka.—Aheberi 2:14, Baibulo la Dziko Latsopano.
-
Mulungu esalula Yesu Khilisitu kuti atonge chalo. Ntongi walomba wa chalo nimuipa, wolikonda. Yesu niwosiyana naye. Mulungu olonjeza kuti Yesu, monga Mfumu ‘azamumvwile chifundo munthu wonyozeka na wotamana, komasoti . . . Azanunule umi wawo ku unkhalo wokandililana.’—Salimo 72:13, 14.
-
Mulungu angatalelini wenye. Baibolo yufisalini mawu polaŵila kuti: ‘Nzosakwanishika kuti Mulungu atale wenye.’ (Aheberi 6:18) Yehova ni Mulungu wachendi. Vawalonjeza, okwanilisha! (Yesaya 55:10, 11) Mosakaikisha, ‘wotonga wachino chalo achosewepo kwalombapano.’—Yohane 12:31.
KONSHO YAKUTI MUKOLINGILILA
Mwa chalo chizaŵe tyani utongi wa Satana ukazachenekewa?
Baibolo yuyankha konsho yamene iyi pa SALIMO 37:10, 11 na pa CHIVUMBULUTSO 21:3, 4.
Mungakondesoti kuwona izi
KUYANKHA MAKONSHO AM’BAIBOLO
Kansi Satana Mdyelekezi ni ngaye-ngaye?
Kansi Mdyelekezi ni nkhalidwe iipa yamene ili mwa munthu, kapena kansi yove aliko chendi?
ZA SEWO
Ndaŵa yanji mufunikila kuphunzila Baibolo?—Vidiyo yonse
Baibolo yupeleka mayankho a makonsho akulu-akulu pa umi wa ŵanthu anyinji pa chalo chonse. Mungakonde kuŵa m’mozi wa ove?
ZA SEWO
Sengani kuti muzatandajiwe na wa Mboni za Yehova
Sengani kuti muzatandajiwe nokambilana mfundo za m’Baibolo na wa Mboni za Yehova, olo yesani pulogilamu yasu yophunzila Baibolo kwamahala.
