Tukutembejani ngako kuti mwapatula nthawe yoŵelenga kabuku kano. Kakuyavyani kutiziŵa luweme sewo monga Mboni za Yehova, kuziŵa ntchito yasu na kuwona mwayukatila ntchito gulu yasu. Tukhulupilila kuti kakuyavyani kuziŵa kuti sewo niye tuchita chifunilo cha Yehova masiku ŵano. Tukutang’ishani kuti mupitilije kuphunzila za Mulungu, kuwujako abanja ŵanu na ayanu vamuphunzila na kuti mukowela ku misonkhano yasu nthawe zonse.​—Aheberi 10:23-25.

Mukapitilija kuphunzila za Yehova, mumvwishishe kuti yove okukondani ngako. Soti vamene ivi vikutang’isheni kuchita vonse vamungakwanishe kuti mwewo namwe muwoneshe kuti mumukonda. (1 Yohane 4:8-10, 19) Koma kansi mungawoneshe tyani vamene ivi pa umoyo wanu? Ndaŵa yanji kumvwila malamulo a Mulungu okhuza minkhalidwe iweme kungakupindulisheni? Kansi n’chinji chingakusonkhezeleni kuti mukochita chifunilo cha Mulungu pamozi na sewo? Okuphunzisani Baibolo angakuyavyeni kupeza mayankho kuti mwewo na banja yanu “mupitilije kuchita vinthu vingachitishe kuti Mulungu akokukondani, . . . chizakuzululileni njila yakuti muzalondele moyo wosasila.”​—Yuda 21.

Tetyo tukutang’ishani kupita pasogolo pa njila ya chendi cha m’Baibolo mwa kuphunzila soti buku iyi . . .