Mukochita chidwi na ŵanthu

IMBANI

Mfundo yofunika kuiganizila: “Chikondi . . . chusamalilalini vofuna vake veka.”—1 Akor. 13:4, 5.

Vechichita Yesu

VIDIYO: Yesu ali na mwanakazi pa chisime

1. Lolelani VIDIYO, kapena ŵelengani Yohane 4:6-9. Pavuli pake ganizilani makonsho aŵa:

Kansi Yesu ewona chinji muli mwanakazi wamene uyu akaliye yamba kukambilana naye?
Yesu enena kuti: “Nipasenkoni manzi akumwa.” Ndaŵa yanji yamene iyi yenze njila iweme yoyambila makambilano?

Kansi tingaphunzile chinji kuli Yesu?

2. Tingankhale na makambilano aweme keno tingayambe na nkhani ingakondweleshe munthu.

Konkhejani Yesu

3. Mukonkhala okonzeka kuchinja. Osayumilila makambilano ŵemwiloŵeza mmaganizo mwanu. Mungayambe kukambilana pokatishila ntchito vinthu vachitika kwalombapano.Likonsheni kuti:

‘Kansi ni vinthu votyani vachitika kwalombapano?’
‘Kansi ŵanthu ŵanunkhala nawo pafupi, ayangu aku ntchito, aku sikulu okonda kulaŵila votyani?’

4. Mukofufuza. Likonsheni kuti:

‘Kansi munthu wamene uyu ochita chinji?. Kansi oganiza chinji?’
‘Kansi vovwala vake, kawonekedwe kake, ng’anda yake vuwonesha kuti okhulupilila votyani, olo kansi chinkhalidwe chake ni chotyani?’
‘Kansi ni nthawe iweme yakuti ningakambilane naye?’

5. Mvwishilani.

Osati mukolaŵila ngako.
Mulimbikiseni kuti afotokoze maganizo ŵake. Keno ni vokwanishika mukonsheni makonsho.

ONANISOTI

Mt. 7:12; 1 Akor. 9:20-23; Afil. 2:4; Yak 1:19

: KONDANI ŴANTHU—NOPANGA OPHUNZILA