PHUNZILO 15
Kulaŵila mosimikija
1 Atesalonika 1:5
MFUNDO IKULU: Woneshani kuti mukhulupilila chendi cha m’Baibolo komasoti kufunika kwa vinthu vamulaŵila.
MWAMUNGACHITILE:
-
Konzekelani luweme. Konzekelani nkhani yanu mokwanila kuti mumvwishe mfundo zikulu-zikulu komasoti muwone mwazukatijilana luweme na Baibolo. Yeja-yejani kufotokoza mfundo zikulu-zikulu za nkhani yanu m’mawu osavuta kumvwa. Ganizilani mwazingayavyile omvwishila. Sengani mzimu utuŵa kuti ukuyavyeni.
-
Laŵilani mawu owonesha kuti musimikijila. M’malo mowelejela mawu mwechiŵalembela mu vofalisa, mungachite luweme kulaŵila m’mawu ŵanu-ŵanu. Laŵilani mawu m’njila yowonesha kuti nimwe wosimikija pa vamulaŵila.
-
Laŵilani mosimikija komasoti mofumila pansi pa ntima. Laŵilani momvwika luweme. Mungaloleshe omvwishila pamulaŵila nkhani yanu keno n’vololeka kuchita vamene ivi.
