Nkhalani na maganizo oyenelela. Mufunika kukumbukila kuti atumiki a Yehova ayanu ni ofunishisha kukondwelesha Yehova. Olo kuti mufuna kupeleka uphungu mufunika kuŵatembeja pa vakuchita luweme keno pangafunikile.

Chefyani mfundo zosalimbikisa. Nkhani ziyakine zosalimbikisa mungazitomole keno mufuna kusimikijila olo kumvwikisha mfundo iyakine. Koma nkhani yanu yonse yufunika kunkhala yotang’isha.

Katishilani ntchito luweme mawu a Mulungu. Laŵilani za vinthu vawachita Yehova, vakuchita masiku ŵano komasoti vati akachitile ŵanthu kusogolo. Limbikisani omvwishila kunkhala otang’a ntima na chiyembekezo.