Yavyani omvwishila kulifufuza. Konshani makonsho amene angayavye omvwishila kulifufuza.

Ayavyeni kunkhala na volinga viweme. Tang’ishani omvwishila kuziŵa chifukwa chake ofunika kuchita vinthu viweme. Ayavyeni kukulisha chikondi pa vinthu viweme monga—kukonda Yehova, ŵanthu ayawo komasoti vinthu vakuphunzila m’Baibolo. Ayavyeni omvwishila ŵanu kuwona kufunika kokatishila ntchito nzelu za m’Baibolo, koma osaŵakakamija. M’malo moŵamvwisha nsoni, ayavyeni omvwishila ŵanu kumvwa kuti atang’ishiwa, komasoti kuchita vangakwanishe kuti apitilije kuchita vinthu viweme.

Pelekani ulemelelo kwa Yehova. Fotokozani mwamene viphunziso, mfundo za m’Baibolo na malamulo a Mulungu mwavuwoneshela minkhalidwe yake na chikondi chake kuli sewo. Tang’ishani omvwishila kuchita chifunilo cha Yehova komasoti kufuna kumukondwelesha.