Chilimbikiso
Ndaŵa yanji atumiki a Mulungu ofunikila kulimbikisana?
Yes 35:3, 4; Akl 3:16; 1At 5:11; Ahe 3:13
-
Visanzo va m’Baibolo vingakuyavyeni:
-
2Mb 32:2-8—Ŵanthu ŵake pechikumana na vuto ikulu, Mfumu Hezekiya eŵalimbikisa.
-
Da 10:2, 8-11, 18, 19—Mngelo elimbikisa Danieli penze wokalamba komasoti penze wofoka.
-
Kansi ŵala ali na udindo okakamijiwa kuchita chinji pankhani yolimbikisa?
Onanisoti Mt 11:28-30
-
Visanzo va m’Baibolo vingakuyavyeni:
-
De 3:28; 31:7, 8—Mneneli Mose enzefunika kulimbikisa Yoswa wamene enzepafupi kunkhala nsogoleli wa Aisiraeli.
-
Mac 11:22-26; 14:22—Panthawe ya chinzunzo, ntumwi Paulo na Barnaba elimbikisa Akhilisitu aku Antiyokeya.
-
Ndaŵa yanji kutembeja ayakine mofumila pansi pa ntima nkofunika ngako patuŵalimbikisa?
-
Visanzo va m’Baibolo vingakuyavyeni:
-
Owe 11:37-40—Chaka chilichonse anakazi aku Isiraeli enzeluta kuyawona mwana mwanakazi wa Yefita na cholinga chakuti amutembeje chifukwa cha ntima wake wolitwala.
-
Chv 2:1-4—Olo kuti Yesu enzefunika kuzuzula Akhilisitu aku Efeso, yove eŵauja soti vinthu venzechita luweme.
-
Kansi atumiki a Yehova okhulupilika angalimbikisane tyani?
Miy 15:23; Aif 4:29; Afi 1:13, 14; Akl 4:6; 1At 5:14
-
Visanzo va m’Baibolo vingakuyavyeni:
-
1Sa 23:16-18—Yonatani enzeziŵa kuti shamwali wake Davide enzefunika kulimbikisiwa, tetyo emusakila-sakila na cholinga chakuti amulimbikise.
-
Yoh 16:33—Yesu elimbikisa ophunzila ŵake poŵakumbusha kuti yove egonjesa chalo, ndipo nawosoti angakwanishe kutolela chisanzo chake.
-
Mac 28:14-16—Ali pa ulwendo woluta ku Roma kuyaweluziwa mulandu, ntumwi Paulo etangʼishiwa ntima pechiwona abale okhulupilika amene enze eluta kuyakumana naye kuti amulimbikise.
-
Ndaŵa yanji tufunika kupewa maganizo aipa komasoti kufunishisha kulemekeza ayakine?
-
Visanzo va m’Baibolo vingakuyavyeni:
-
Nu 11:10-15—Mneneli Mose ekalipa ngako na mzimu uipa komasoti wosamvwila wenzenawo Aisiraeli.
-
Nu 13:31, 32; 14:2-6—Mawu aipa ŵechilaŵila azondi 10 echitisha kuti ŵanthu ayakine afoke ndipo pakaliye pita nthawe ŵanthu amene awo epanduka.
-
Ndaŵa yanji kutandala na Akhilisitu ayasu kungatiyavye kunkhala otang’a ntima?
Miy 27:17; Alo 1:11, 12; Ahe 10:24, 25; 12:12
-
Visanzo va m’Baibolo vingakuyavyeni:
-
2Mb 20:1-19—Gulu ikulu ya nkhondo peyiukila Yuda, Mfumu Yehosafati epemphela pamozi na ŵanthu.
-
Mac 12:1-5, 12-17—Yakobo pechipaiwa komasoti ntumwi Paulo pechiikiwa mu djeli, abale aku Yerusalemu ewungana pamozi kuti aŵapemphelele.
-
Kansi kunkhala na maganizo aweme kungatiyavye tyani kupilila pa nthawe yovuta?
Mac 5:40, 41; Alo 8:35-39; 1Ak 4:11-13; 2Ak 4:16-18; 1Pe 1:6, 7
-
Visanzo va m’Baibolo vingakuyavyeni:
-
Ge 39:19-23; 40:1-8—Olo kuti etalijiliwa wenye komasoti kuikiwa mudjeli paliya chilungamo, Yosefe enkhala mphela wokhulupilika komasoti enzefunushisha kuyavya ayakine.
-
2Mf 6:15-17—Mneneli Elisa aliyechite wowa gulu ya nkhondo peyimuukila, ndipo esengasoti kuti ntumiki wake osati achite wowa.
-
Kufwana chilimbikiso mmawu a Yehova
Kansi Yehova watilonjeza kuti azatiyavye tyani?
Kansi kusinkha-sinkha, za kuleza ntima komasoti chifundo cha Yehova kungatiyavye tyani?
Kansi Yehova angaŵachitile chinji ŵanthu amene ni ofoka?
Sl 46:1; Yes 12:2; 40:29-31; Afi 4:13
-
Visanzo va m’Baibolo vingakuyavyeni:
-
1Sa 1:10, 11, 17, 18—Yehova emvwishila pemphelo ya Hana, ndipo emuyavya kufwanasoti mpumulo penze na nkhaŵa komasoti penze wokalipa.
-
1Mf 19:1-19—Mneneli Eliya penze wokalipa Yehova emuyavya, emulimbikisa, nomutonthoja, nomupasa chiyembekezo cha nsogolo.
-
Kansi chiyembekezo chasu chofumila m’Baibolo chokhuza kusogolo chutiyavya tyani kunkhala otang’a ntima?
2Mb 15:7; Sl 27:13, 14; Ahe 6:17-19; 12:2
-
Visanzo va m’Baibolo vingakuyavyeni:
-
Yob 14:1, 2, 7-9, 13-15—Olo pa nthawe yenze efoka ngako, Yobu enzeziwa kuti Yehova azamuukishe ndipo vamene ivi vimutonthoja.
-
Da 12:13—Mneneli Danieli penze na vyaka pafupi-fupi 100 elimbikisiwa na mngelo pechimuuja za mphoto yakusogolo.
-
Kansi tulimbikisiwa tyani tikopemphela kwa Yehova komasoti kusinkha-sinkha vatuziŵa vokhuza yove?
-
Visanzo va m’Baibolo vingakuyavyeni:
-
1Sa 30:1-9—Mfumu Davide pechikumana na mavuto epemphela kwa Yehova ndipo epeza mphamvu.
-
Lu 22:39-43—Pechikumana na chiyeso chake chikulu, Yesu epemphele mofumila pansi pa ntima kuti Yehova amuyavye, ndipo Yehova eyankha pemphelo yamene iyo pechitumija mngelo kuti akamulimbikise.
-
Kansi tulimbikisiwa tyani tikomvwishila malipoti, ndipo ndaŵa yanji tufunikila kuujako ayakine?
-
Visanzo va m’Baibolo vingakuyavyeni:
-
Mac 15:2-4—Ntumwi Paulo na Baranaba epeleka chilimbikiso chikulu ku mipingo yenzeyendela.
-
3Yo 1-4—Pechikalamba Yohani elimbikisiwa pechimvwa kuti ŵala ŵanthu ŵechiuja uthenga enze akali okhulupilika.
-