Kukalamba; Achikulile
Kansi chuchitika nchinji tikokula?
Sl 71:9; 90:10
onanisoti nkhani yakuti “Chitonthojo—Vinthu vatingakange kuchita chifukwa cha ukalamba”
-
Visanzo va m’Baibolo vingakuyavyeni:
-
Mla 12:1-8—Mfumu Solomo efotokoza vinthu viyakine vuwela chifukwa cha ukalamba (“kusalolesha luweme”) komasoti (“kusamvwa luweme.”)
-
Kansi achikulile angakhale mphela na chisangalalo olo kuti okumana na mavuto owela chifukwa cha ukalamba?
-
Visanzo va m’Baibolo vingakuyavyeni:
-
1Sa 12:2, 23—Olo kuti mneneli Samueli enze ekalamba enzewona kuti ofunikila kupitilija mphela kupemphelela ŵanthu a Yehova.
-
2Sa 19:31-39—Mfumu Davide etembeja Barizilai wamene enze okalamba chifukwa emuyavya mokhulupilika.
-
Sl 71:9, 18—Chifukwa chakuti enzeyopa kuti akazekalamba azakatishiliwelini ntchito, Mfumu Davide esenga Yehova kuti osati amusiye koma amupase mphamvu na cholinga chakuti aphunzise m’badwo wokonkhapo za Yehova.
-
Lu 2:36-38—Mneneli mwanakazi Ana wamene enze wokalamba komasoti wamasiye, edalisiwa ngako chifukwa chonkhala wokhulupilika pa utumiki wake.
-
Kansi Yehova oŵasimikijila tyani achikulile kuti oŵaona kuti ni funika?
Sl 92:12-14; Miy 16:31; 20:29; Yes 46:4; Tit 2:2-5
-
Visanzo va m’Baibolo vingakuyavyeni:
-
Ge 12:1-4—Abulahamu penze na vyaka 75, Yehova emupasa ntchito yamene ichinja moyo wake.
-
Da 10:11, 19; 12:13—Mneneli Danieli penze na vyaka 90 m’ngelo wa Yehova emunyungila ndipo emusimikijila kuti yove ni wofunika ngako kwa Yehova ndipo azamudalise chifukwa cha kukhulupilika kwake.
-
Lu 1:5-13—Yehova edalisa Zekariya na Elizabeti penze okalamba ndipo eŵapasa mwana mwanalume zina yake Yohani.
-
Lu 2:25-35—Yehova epesa mwayi Simioni wamene enze wokalamba kuti awone lucheche yamene ichizankhala Mesiya, ndipo yove eujiliwa kulemba ulosi wolaŵila za Mesiya.
-
Mac 7:23, 30-36—Mneneli Mose enze na vyaka 80 Yehova pechimuuja kuti asogolele ŵanthu ŵake Aisiraeli.
-
Kansi ŵanthu okalamba amene ni okhulupilika tufunikila kuŵachitila vinthu votyani?
Le 19:32; 1Ti 5:1
-
Visanzo va m’Baibolo vingakuyavyeni:
-
Ge 45:9-11; 47:12—Yosefe eita atata ŵake amene enze wokalamba, ndipo enzeŵasamalila mpaka pa nthawe yechimwalila.
-
Ru 1:14-17; 2:2, 17, 18, 23—Rute eyavya apongozi ŵake amene enze wokalamba, kupitila mu mawu komasoti muvochita.
-
Yoh 19:26, 27—Yesu penze esala patontho kumwalila, esenga Yohani kuti akosamalila amayi ŵake amene enze wokalamba.
-
Kansi ni njila zotyani zamene Akhilisitu zangayavyile okalamba mu mpingo?