Kulichefya
Kansi Yehova oŵaona tyani ŵanthu olichefya komasoti olikuja?
Sl 138:6; Miy 15:25; 16:18, 19; 22:4; 1Pe 5:5
Onanisoti Miy 29:23; Yes 2:11, 12
-
Visanzo va m’Baibolo vingakuyavyeni:
-
2Mb 26:3-5, 16-21—Mfumu Uziya echita vinthu volikuja; ndipo aliye lichefye Asembe pechimuuja kuti wachita vinthu volakwika; tetyo Mulungu emulanga pomuchitisha mankhutu.
-
Lu 18:9-14—Yesu ekatishila ntchito fanizo pofuna kuwonesha mwamene Yehova mwakuwonela mapemphelo a ŵanthu olikuja na olichefya.
-
Kansi Yehova ochita tyani munthu akawonesha kulichefya komasoti kulapa mofumila pansi pa ntima?
-
Visanzo va m’Baibolo vingakuyavyeni:
-
2Mb 12:5-7—Mfumu Rehobowamu na akalonga a Yuda evomela molichefya vechisankha Yehova ndipo elapa, tetyo Yehova aliye ŵaononge.
-
2Mb 32:24-26—Mfumu iweme Hezekiya enkhala wolikuja, koma pechilichefya Yehova emukhululukila.
-
Kansi kulichefya kutiyavya tyani kuti tikokatijana na ŵanthu ayakine?
Aif 4:1, 2; Afi 2:3; Akl 3:12, 13
-
Visanzo va m’Baibolo vingakuyavyeni:
-
Ge 33:3, 4—Yakobo ewonesha kulichefya ngako pechikumana na mkwake Esau wamene enze wokalipa, ndipo chifukwa cha kulichefya kwamene uku vichitisha kuti pankhalesoti ntendele pakati pawo.
-
Owe 8:1-3—Woweluza Gidioni molichefya euja analume a Efuraimu kuti ove omupambana, vamene ivi vichefya ukali wawo ndipo aliyepitilije kukangana naye.
-
Kansi Yesu Khilisitu ephunzisa tyani kufunika konkhala olichefya?
Mt 18:1-5; 23:11, 12; Mk 10:41-45
-
Visanzo va m’Baibolo vingakuyavyeni:
-
Yes 53:7; Afi 2:7, 8—Monga ni mwechiloselela aneneli, Yesu enze wolichefya ndipo elolela kuwela pano pachalo ndipo ekumana na imfwa yoŵaŵa na yochitisha nsoni.
-
Lu 14:7-11—Yesu ekatishila ntchito fanizo ya malo onkhala keno taitiwa pa phwando, pofuna kuwonesha mwamene kulichefya mwakungatiyavyile.
-
Yoh 13:3-17—Yesu ephunzisa ophunzila ŵake kunkhala olichefya pechikata ntchito yamene yenzeoneka yonyozeka yosambisha mapazi ya ophunzila ŵake.
-
Kansi kuliwona moyenelela kungatiyavye tyani kuti tinkhale wolichefya?
Ndaŵa yanji kulichefya kwa wenye kuliye pindu?